សូមសរសើរដល់ទឹកចិត្ត យុគ ចិន្តា ក្រោយពីទិញផ្ទះល្វែង ឱ្យគ្រួសារ អ៊ិត សេដ្ឋា បានហើយ ពេលនេះ នាងថែមទាំងឆ្លៀតទិញ...!

ភ្នំពេញ៖ ទោះបីជាលោក អ៊ិត សេដ្ឋា បានទទួលមរណភាពទៅ ប៉ុន្តែពិធីការិនីជើងចាស់ និងជាដៃគូដ៏ល្អម្នាក់ អ្នកនាង យុគ ចិន្តា នៅតែបន្តការមើលថែរក្សាក្រុមគ្រួសាររបស់លោក អ៊ិត សេដ្ឋា យ៉ាងល្អជំនួសលោក អ៊ិត សេដ្ឋា ផងដែរ។

ក្រោយពីបានទិញផ្ទះមួយល្វែងដ៏ស្រស់ស្អាតមួយ ជូនម្តាយជរា និងកូនប្រុសស្រីលោក អ៊ិត សេដ្ឋា បានហើយ ពេលនេះអ្នកនាង យុគ ចិន្តា ក៏មិនភ្លេចឆ្លៀតពេលវេលាពីការងារ ដើម្បីមកទិញសម្ភារៈផ្គត់ផ្គង់ ប្រើប្រាស់ក្នុងផ្ទះ តុ ទូ គ្រែ ពូក វាំងនន និងថ្នាំផ្លាស់ប្តូរពណ៌ផ្ទះទាំងមូល ទៅតាមការស្រលាញ់ចូលចិត្តកូនលោក សេដ្ឋា ផងដែរ។

អ្នកនាងយុគ ចិន្តា បានសរសេររៀបរាប់នៅក្នុងហ្វេសប៊ុករបស់ខ្លួនទាំងស្រុងដូច្នេះថា៖

«បន្ទាប់ពីទិញបានផ្ទះមួយល្វែងសំរាប់ក្រុមគ្រួសារសពលោក អ៊ិត សេដ្ឋា រួចរាល់ហើយ ថ្ងៃនេះនាងខ្ញុំក៏បានឆ្លៀតពេលវេលាពីការងារ ដើម្បីមកទិញសំភារៈផ្គត់ផ្គង់សំរាប់ផ្តល់ជូនដល់ក្រុមគ្រួសារលោកសេដ្ឋា ដែលសម្ភារទាំងអស់នោះរួមមាន គ្រឿងប្រើប្រាស់ក្នុងផ្ទះ តុ ទូ គ្រែ ពូក វាំងនន និងថ្នាំផ្លាស់ប្តូរពណ៌នៃគេហដ្ឋានទាំងមូល ទៅតាមការស្រលាញ់ចូលចិត្តរបស់ក្មួយៗដែលជាកូនៗនៃបងប្រុស សេដ្ឋា ព្រោះថានៅតែប៉ុន្មានសប្តាហ៍ទៀត ផ្ទះទាំងមូលនឹងត្រូវរួចរាល់ជាស្ថាពរ សូមអគុណដល់សន្តានចិត្តបងប្អូនខ្មែរទាំងអស់ ដែលស្រលាញ់នឹងផ្តល់ថវិកាជួយដល់ក្រុមគ្រួសារសពលោក អ៊ិត សេដ្ឋា»។

សូមសរសើរចំពោះទឹកចិត្ត របស់អ្នកនាង យុគ ចិន្តា ទោះពេលគ្មានវត្តមានរបស់លោក អ៊ិត សេដ្ឋា ក៏អ្នកនាងនៅតែស្រលាញ់រាប់អានក្រុមគ្រួសារមួយនេះ ហើយប្រឹងប្រែងជួយអស់ពីលទ្ធភាព ដើម្បីតបស្នងមិត្តភាព ដែលមានជាមួយគ្នាកន្លងមកទៀតផង៕

ទស្សនាកម្រងរូបភាពខាងក្រោម៖ 

• យុគ ចិន្តា
• អុិត សេដ្ឋា