បរទេស៖ មនុស្សសម័យថ្មី ពិតជាមានការចាប់អារម្មណ៍លើការកែសម្ផស្ស ប៉ុន្តែអ្វីដែលសំខាន់គឺថា តើពួកគេហ៊ានកែដល់កម្រិតណា?
កញ្ញា Pixie Fox អាយុ ២៦ឆ្នាំ បានឆ្លងកាត់ការកែសម្ផស្ស ១៧ដងរួចមកហើយ ដូចជា វះកាត់ឆ្អឹងជំនី៦កង់ និងវះកាត់ដើមទ្រូង ជាដើម។ ការចំណាយលើថ្លៃវះកាត់ បានមកពីប្រាក់សន្សំរបស់នាង និងមួយចំនួនទៀតបានមកពីប្រុសៗ ដែលជាអ្នកគាំទ្រនាង។ នាងមានបំណងចង់កែប្រែរូបរាង ឲ្យដូចតួអង្គនៅក្នុងរឿងតុក្កតាមួយ។
ការវះកាត់ បូករួមទម្លាប់នៃការហាត់ប្រាណផងនោះ បានធ្វើឲ្យទំហំទាំង៣របស់នាងមានការផ្លាស់ប្តូរយ៉ាងខ្លាំងពីលេខ ៣០-២៤-៣៤ ទៅជា ៣៨-១៦-៣៩ ។
ស្របពេលអ្នកដទៃគិតថា រូបរាងថ្មីរបស់នាង មិនទាក់ទាញដូចការគ្រោងទុក តែសម្រាប់រូបនាងផ្ទាល់វិញ បែរជាសប្បាយរីករាយជាមួយអ្វីដែលនាងកំពុងមាន ហើយគ្មាននរណាម្នាក់អាចយកវាចេញពីនាងបានទេ។ នាងចូលចិត្តឲ្យគ្រប់គ្នាសំឡឹងមកនាង ហើយនាងក៏រីករាយចំពោះការគាំទ្រដែរ។
កញ្ញា Pixie បាននិយាយនៅក្នុងបទសម្ភាសន៍មួយថា “ខ្ញុំមិនមែន មិនសប្បាយចិត្តនឹងរូបរាងរបស់ខ្ញុំពេលនេះទេ។ ខ្ញុំគ្រាន់តែរីករាយជាមួយការផ្លាស់ប្តូរ។ ខ្ញុំមើលមកខ្លួនឯងជាសិល្បករផ្នែកកែប្រែរូបរាងម្នាក់។ ខ្ញុំស្រឡាញ់ការងារមួយនេះណាស់។ នេះគឺជាអ្វីដែលខ្ញុំធ្វើ ហើយខ្ញុំនឹងនៅតែបន្តធ្វើវា”។
កញ្ញា Pixie បាននិយាយថា នាងមិនបញ្ឈប់ធ្វើការវះកាត់កែសម្ផស្សទេ លុះត្រាទាល់តែរូបរាងដូចតួអង្គក្នុងរឿងតុក្កតា គឺនាង Jessica Rabbit។ នាងបានបន្ថែមថា “មានមនុស្ស៦ពាន់លាននាក់នៅលើផែនដីនេះ។ ហេតុអ្វីបានជាមនុស្សទាំងអស់ ត្រូវតែមានរូបរាងដូចគ្នា? ខ្ញុំពិតជាធុញនឹងវាខ្លាំងណាស់”៕
សូមទស្សនារូបភាព និងវីដេអូរបស់កញ្ញា Pixie នៅខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]