អង់គ្លេស៖ អត្ដពលិកពិការម្នាក់ឈ្មោះ Abdullah Hayayei បានទទួលមរណភាពអំឡុងពេលហ្វឹកហាត់ក្នុងមជ្ឈមណ្ឌល Newham Leisure សម្រាប់ត្រៀមការប្រកួតជើងឯកអត្ដពលិកពិការពិភពលោកក្នុងទីក្រុងឡុងដ៏ ប្រទេសអង់គ្លេស។
អនុប្រធានសហព័ន្ធកីឡាប៉ារ៉ាឡាំពិក របស់ប្រទេសអារ៉ាប់រួម លោក Majid Rashed បានបញ្ជាក់ថា អត្ដពលិកពិការខាងលើនេះ បានទទួលមរណភាពដោយសារតែពេលអំឡុងហ្វឹកហាត់ ត្រូវបានដុំដែកចោលមកធ្លាក់ចំក្បាល។
សេចក្ដីបញ្ជាក់ពីការបាត់បង់ជីវិតរបស់បុរសជនជាតិអារ៉ាប់រួមខាងលើ ធ្វើឡើងបន្ទាប់ពីរូបគេត្រូវបានបញ្ចូនទៅកាន់កន្លែងសង្គ្រោះបន្ទាន់ កាលពីថៃ្ងអង្គារ៍កន្លងទៅ។
លោក Craig Spence នាយកផ្នែកទំនាក់ទំនង និង ព័ត៌មាន នៃគណៈកម្មាធិការប៉ារ៉ាឡាំពិកអន្តរជាតិ បានឲ្យដឹងថា នេះជាដំណឹងដ៏សោកសៅបំផុតដែលយើងបានបាត់បង់ Abdullah Hayayei កាលថ្ងៃអង្គារ៍។
គួរបញ្ជាក់ថា Abdullah Hayayei ធ្លាប់បានចូលរួមប្រកួតកីឡាប៉ារ៉ាឡាំពិក កាលពីឆ្នាំ២០១៦ នៅទីក្រុង Rio ប្រទេសប្រេស៊ីល ដោយបញ្ចប់ចំណាត់ថ្នាក់ទី៦ លើវិញ្ញាសាចោលលំពែង និង លេខ៧ លើវិញ្ញាសាចោលដុំដែក៕
ប្រភព៖ BBC
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]