បរទេស៖ ខ្សែប្រយុទ្ធឆ្នើមរបស់ក្រុម Real Madrid កីឡាករ Cristiano Ronaldo បានបង្ហោះរូបជុំគ្រួសារមួយសន្លឹកនៅក្នុងបណ្តាញសង្គម Instagram ម្សិលមិញ បានធ្វើឲ្យអ្នកគាំទ្រកាន់តែសង្ស័យថា មិត្តស្រីរបស់គេ គឺនាង Georgina Rodriguez ប្រហែលជាមានផ្ទៃពោះពិតប្រាកដហើយ ប៉ុន្តែព្យាយាមលាក់បាំង។ នេះបើយោងតាមការបញ្ចេញមតិមួយចំនួនរបស់អ្នកគាំទ្រ និងការសង្កេតមើលទៅលើផ្ទៃពោះរបស់នាង។
យោងទៅតាមរូបភាពខាងលើ Georgina Rodriguez បានបញ្ជាក់ពីសញ្ញាណមានផ្ទៃពោះ ដោយសារតែក្បាលពោះរបស់នាងមានសភាពប៉ោងធំជាងមុន ហើយត្រូវបានគេរំពឹងថាជាកូនដំបូងរបស់នាង ជាមួយកីឡាករ Cristiano Ronaldo ថែមទៀតផង។
គួរបញ្ជាក់ថា គូស្នេហ៍មួយគូនេះ និងក្រុមគ្រួសារទាំងមូល កំពុងតែសម្រាកលំហែកាយ ខណៈ Ronaldo មិនទាន់បានត្រូវកោះហៅឲ្យចូលក្រុមនោះទេ ហើយរូបភាពដំណើរកម្សាន្តនេះ គេឃើញមានបងប្អូនសាច់ញ្ញាតិ ម្តាយ និងកូនៗ របស់ខ្សែប្រយុទ្ធសញ្ជាតិព័រទុយហ្គាល់ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]