បរទេសៈ Manchester United បានតែងតាំងខ្សែបម្រើ Michael Carrick ជាប្រធានក្រុមថ្មី។
ខ្សែបម្រើ វ័យ៣៥ឆ្នាំ Carrick គឺជាកីឡាករដែលបម្រើការយូរជាងគេបំផុតនៅក្នុងក្លឹប ដែលបានលេងឲ្យ Man Utd តាំងពីឆ្នាំ ២០០៦ ហើយត្រូវបានតែងតាំងជំនួសតំណែងប្រធានក្រុមចាស់ Wayne Rooney ដែលបានផ្លាស់ទៅEverton។
Carrick បានប្រាប់ MUTV ថា៖ «ខ្ញុំមានអារម្មណ៍ល្អ ហើយមានកិត្តិយសដ៏ធំធេងដែលបានក្លាយជាប្រធានក្រុមដ៏អស្ចារ្យនេះ»។
«ខ្ញុំមិនដែលគិតថា ខ្ញុំអាចនៅទីនេះយូរយ៉ាងនេះ និងទទួលបានជោគជ័យច្រើនបែបនេះទេ។ រយៈពេលច្រើនឆ្នាំនៅទីនេះ ខ្ញុំបានបណ្តុះចិត្តស្រលាញ់លើក្លឹប ហើយទទួលបានតំណែងប្រធានក្រុមពិតជាពិសេសខ្លាំងណាស់»។
Carrick បានផ្ទេរទៅកាន់ក្លឹប Man United ពី Tottenham ក្នុងតម្លៃខ្លួន ១៨.៦ លានផោន កាលពីឆ្នាំ ២០០៦ ហើយកាលពីដើមឆ្នាំនេះ បានចុះហត្ថលេខាលើកិច្ចសន្យាមួយបន្ថែម ដែលគាត់នឹងបន្តនៅជាមួយក្លឹបរហូតដល់ខែមិថុនាឆ្នាំ ២០១៨ ។
គាត់បានលេងឱ្យក្លឹប៤៥៩ដង ឈ្នះពាន Premier League ៥ ដង, FA Cup ១, Champions League ១ និង Europa League ១៕
ប្រភព៖ BBC
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]