មុខសឹងតែដូចគ្នាពេក! ប៉ាកគីអាវ ខែ្មរ ត្រូវបានសារព័ត៌មានបរទេសល្បីមួយចុះផ្សាយ

ហ្វីលីពីន៖ សារព័ត៌មានមួយក្នុងប្រទេសហ្វីលីពីនឈ្មោះថា rappler បានធើ្វការចុះផ្សាយពីបុរសជនជាតិខែ្មរម្នាក់ ដែលមានមុខមាត់ស្រដៀងទៅនឹងកំពូលអ្នកប្រដាល់សញ្ជាតិហី្វលីពីន Manny Pacquiao ។

បុរសខាងលើ ត្រូវបានគេស្គាល់ថាជាជនជាតិខ្មែរ វ័យ៣៧ឆ្នាំ ឈ្មោះ ឈុនលី សព្វថៃ្ងជាអ្នកចម្រៀងនិងអ្នកផលិតខ្សែភាពយន្ត ។

ក្នុងបទសម្ភាសជាមួយសារព័ត៌មានខាងលើ លោក ឈុនលី បានបញ្ជាក់ថា មិនត្រឹមតែជនជាតិខែ្មរទេ ដែលច្រឡំថាលោកជា Pacquiao សូម្បីតែជនជាតិបរទេសក៏ច្រលំដូចគ្នា។ 

លោកបន្ដថា សព្វថៃ្ងនេះ ឈ្មោះ Manny Pacquiao គឺជាឈ្មោះហៅក្រៅរបស់លោកទៅហើយ ព្រោះថាពេលលោកទៅទីណាក៏ដោយ មនុស្សទូទៅតែងតែហៅលោក Manny Pacquiao។

ទន្ទឹមនឹងនេះ លោកក៏បានរៀបរាប់ដែរថា ពេលដែលលោកមានអារម្មណ៍ថាមុខមាត់របស់ខ្លួន ដូច Pacquiao ដំបូងនោះ គឺនៅក្នុងឆ្នាំ២០០៨ ពោលគឺ នៅពេលដែលលោកចូលធើ្វការក្នុងផលិតកម្មមេគង្គ។

ជាចុងក្រោយ លោកបន្ថែមថា ខ្លួនពិតជាមានមោទនភាពណាស់ ព្រោះថា Pacquiao គឺជាមនុស្សល្អ ជាមនុស្សមានចិត្ដសន្ដោស ជាពិសេសគឺគេនេះហើយ ដែលធើ្វឲ្យលោកមានភាពល្បីល្បាញដល់សព្វថៃ្ង៕

ប្រភព៖ rappler