រាជធានីភ្នំពេញ ៖ ស្រីស្អាតកញ្ញាសោភា ទេពី ស្រឡាំងកាំងនៅពេលមានអ្នកជូនកាដូរថយន្តតម្លៃជាង៤ម៉ឺនដុល្លារ ក្នុងពិធីខួបកំណើត របស់ខ្លួន ។ កាដូនេះធ្វើឱ្យនាងស្ទើរតែស្រក់ទឹកភ្នែក ។
តារាសម្តែង និងតារាចម្រៀងវ័យក្មេងកញ្ញាសោភា ទេពី ក្នុងថ្ងៃខួបកំណើតរបស់នាងត្រូវលោកផ្កាយ២ជូនកាដូរថយន្តម៉ាកធុនត្រា ។ កាលពីរាត្រីថ្ងៃទី៨ កក្កដា ឆ្នាំ២០១៧ ស្រីស្អាតកញ្ញាសោភា ទេពី ត្រូវក្រុមគ្រួសាររៀបចំពិធីខួបកំណើតក្នុងហាងខារ៉ាអូខេ«សប្បាយៗKTV»ស្ថិតនៅក្បែររង្វង់មូលផ្សារដើមថ្កូវ រាជធានីភ្នំពេញ ។ កម្មវិធីខួបកំណើតនោះមានការចូលរួមពីមិត្តភក្តិជាតារាចម្រៀង តារាសម្តែង និងក្រុមគ្រួសារតារាកម្ពុជា ។
កញ្ញាសោភា ទេពី និយាយថា«នាងខ្ញុំសម្រេចចិត្តធ្វើខួបកំណើតឆ្នាំនេះ ក្រោយពេលដែលរាសីសិល្បៈឡើងខ្ពស់ជាងមុន មានការចាប់អារម្មណ៍ច្រើន ។ នាងខ្ញុំក៏សម្រេចចិត្តរៀបចំខួបកំណើតដែលប៉ាម៉ាក់របស់នាងខ្ញុំជាអ្នករៀបចំធ្វើជូនដែលឆ្នាំនេះនាងខ្ញុំមានវ័យ១៥ឆ្នាំគត់ ។
នាងខ្ញុំរំភើបណាស់់ដែលកន្លងមកថ្ងៃខួបកំណើត គឺទទួលបានកាដូដូចជាខ្សែ.ក ក្រវិលអីតែប៉ុណ្ណោះ ប៉ុន្តែលើកនេះលោកប៉ាគាត់បានបង្ហាញភាពភ្ញាក់ផ្អើលតែម្តងបានជូនកាដូជារថយន្តម៉ាកធុនត្រាតម្លៃជាង៤ម៉ឺនដុល្លារយ៉ាងក្រឡែតតែម្តង ស្ទើរតែភាំងដែលគាត់ ស្ងាត់ៗជូនឡានមួយ ។
ប៉ានាងខ្ញុំគាត់មានតួនាទីធ្វើការរាជការ មានឋានៈផ្កាយ២ផងដែរ ។ នាងខ្ញុំគ្មានអ្នកណាមួយជួយជាកាដូពិសេសអុីចឹងនោះទេ ហើយក៏មិនទទួលយកដែរក្រៅពីសាច់ឈាម និងចង់បានលុះត្រាជាញើសឈាមរបស់នាងខ្ញុំដោយ ក្រុមគ្រួសារនាងខ្ញុំក៏មិនទទួលយករបស់ដែលបានមកទទេៗដែរ» ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
