ថ្ងៃនេះ គង់ ចាន់ស្រីមុំ យកសម្លៀកបំពាក់ខ្លួនឯង មកដាក់លក់ ដើម្បីរកលុយ ជួយដល់មន្ទីរពេទ្យគន្ធបុប្ផា! (មានវីដេអូ)

ភ្នំពេញ៖ តារាស្រីជោគជ័យ លើជំនួញច្រើនមុខនៅក្នុងដៃ អ្នកនាង គង់ ចាន់ស្រីមុំ ថ្មីៗនេះ នាងបានប្រកាស ដាក់លក់សម្លៀកបំពាក់របស់ខ្លួន ដើម្បីយកថវិកាទាំងនោះ ទៅជួយដល់មន្ទីរពេទ្យគន្ធបុប្ផា។

ដោយខាងក្រោមនេះ គឺជាសារប្រកាសរបស់នាង៖

«ការងារជួយសង្គមគឺជាភារកិច្ចមួយ ដែលមិនអាចខ្វះបានសម្រាប់ពលរដ្ឋម្នាក់ដូចរូបនាងខ្ញុំ។ នៅថ្ងៃស្អែកនេះផងដែរ នាងខ្ញុំនឹងធ្វើការងារជួយដល់សង្គមមួយនេះ ដោយធ្វើការដាក់លក់នូវសម្លៀកបំពាក់ របស់នាងខ្ញុំដើម្បីប្រមូលថវិកា ប្រគល់ជូនដល់មន្ទីរពេទ្យគន្ធបុប្ផា សម្រាប់ជួយផ្គត់ផ្គង់នូវចំណែកដ៏តូចមួយ ដើម្បីអោយកុមារកម្ពុជា ទទួលបាននូវការព្យាបាលនេះ។ ហើយនេះក៏ជាឱកាសមួយដែរសម្រាប់ជាអំណោយ ដ៏ស្មោះសររបស់នាងខ្ញុំជូនទៅដល់កុមារកម្ពុជា ដែលត្រូវការជំនួយសម្រាប់ការព្យាបាលនៅមន្ទីរពេទ្យ នៅក្នុងថ្ងៃខួបកំណើតរបស់នាងខ្ញុំសម្រាប់ឆ្នាំនេះ ។

ពិតជាគួរឲ្យសរសើរ ពីតារាស្រី គង់ ចាន់ស្រីមុំ ដែលមានរូបសម្រស់ស្រស់ស្អាតហើយថែមទាំង មានទឹកចិត្ត ចេះជួយដល់ការងារសង្គមទៀត៕

• គង់ ចាន់ស្រីមុំ
• ជំរុញទឹកចិត្ត