ភ្នំពេញ៖ ការស្លាប់របស់លោក អ៊ិត សេដ្ឋា ដែលជាពិធីករល្បីឈ្មោះ និងមានការគោរពរាប់អានយ៉ាងខ្លាំងពីសំណាក់មហាជនទូទាំងប្រទេស បានធ្វើបន្សល់ទុកនៅត្រឹមតែភាពស្តាយស្រណោះ ជាមួយនឹងអនុស្សាវរីយ៍ល្អៗតែប៉ុណ្ណោះ។
ទន្ទឹមនឹងការចាកចេញទៅ ដោយគ្មានការរវិលត្រលប់នេះ លោក សាយ រតនៈ ដែលជាមិត្តរួមអាជីពយ៉ាងស្និទ្ធស្នាល ក៏បានយកចិត្តទុកដាក់យ៉ាងខ្លាំង ចំពោះគ្រួសាររបស់លោក អ៊ិត សេដ្ឋា គឺកូនប្រុសស្រីទាំងបី ដែលសុទ្ធតែនៅមានវ័យក្មេងៗ និងម្តាយជរាម្នាក់ផងដែរ។
ចូលមកដល់ខែកក្កដាថ្មីនេះ លោក សាយ រតនៈ ក៏បានបង្ហាញរូបភាពអនុស្សាវរីយ៍មួយសន្លឹក ដែលបានថតរួមគ្នាជាមួយលោក អ៊ិត សេដ្ឋា នៅលើហ្វេសប៊ុករបស់ខ្លួនព្រមជាមួយនឹងក្តីនឹករលឹកក្រៃលែង។
អ្វីដែលពិសេសជាងនេះទៅទៀតនោះគឺលោករតនៈ ក៏បានប្រាប់ផងដែរថា ពេលនេះលោកបានទទួលដំណឹងថា មានគ្រូពេទ្យចិត្តធម៌ម្នាក់ត្រៀមជួយព្យាបាលកូនប្រុសទី២របស់លោក អ៊ិត សេដ្ឋា ដែលពិការជើង ហើយលោកក៏ត្រៀមនឹងនាំទៅជួបព្យាបាលនៅក្នុងពេលឆាប់ៗនេះដែរ។
លោក សាយ រតនៈ បានរៀបរាប់ដូច្នេះនៅលើហ្វេសប៊ុកខ្លួនថា៖ «នេះជាស្នាមញញឹមចុងក្រោយ មុនពេលដែលបងប្រុសលាប្អូនដោយគ្មានថ្ងៃជួបគ្នាវិញឡើយ..! ប្អូន និងមហាជនទូទៅពិតជានឹកស្រណោះបងខ្លាំងណាស់..! ពួកយើងបានត្រឹមតែមើលរូបថតបង និងស្តាប់សម្លេងបងតែប៉ុណ្ណោះ..! ថ្ងៃស្អែកប្អូននឹងជូនអ្នកម្តាយ និងកូនៗរបស់បងទៅធ្វើរឿងសំខាន់មួយសម្រាប់ពួកគាត់..សូមបងឆាប់ចាប់កំណើតសារជាថ្មីណាបងណា! រឿងមួយទៀតបង ប្អូនបានទទួលដំណឹងថា មានគ្រូពេទ្យចិត្តធម៌ម្នាក់ត្រៀមជួយព្យាបាលកូនប្រុសបងហើយ ប្អូននឹងជូនក្មួយទៅជួបគាត់ឆាប់ៗហ្នឹងហើយបង..! សូមបងតាមថែរក្សាកូនៗ និងអ្នកម្តាយបងអោយសុខសប្បាយគ្រប់ៗគ្នា..!»។
នេះពិតជាដំណឹងដ៏រីករាយណាស់ សូមជូនពរកូនប្រុសទី២របស់លោក អ៊ិត សេដ្ឋា ឆាប់បានទទួលការព្យាបាល និងឆាប់ជាសះស្បើយដើរបានដូចមនុស្សធម្មតាផងដែរ៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]