ថ្វីត្បិតផលិតផលសម្អាតសព្វថ្ងៃ មានច្រើនប្រភេទមិនខ្វះក៏ពិតមែន ក៏មានមួយចំនួនសំបូរដោយសារធាតុគីមីមិនល្អ ដែលអាចប៉ះពាល់ដល់សុខភាពផងដែរ។ ហេតុនេះហើយ បាយើងនឹងលើកឡើងនូវ ផលិតផលសម្អាត ដែលមានសុវត្ថិភាពបំផុតមួយ ដែលងាយស្រួលរក ហើយមានប្រសិទ្ធភាពខ្ពស់ថែមទៀត ដែលនោះគឺជា “ម្សៅ Baking soda” ។
ចង់ដឹងពីប្រសិទ្ធភាពវា យ៉ាងណានោះ សូមតាមដានអត្ថបទខាងក្រោមនេះ ទាំងអស់គ្នា ៖
# សម្អាតពូក
ម្សៅ Baking soda អាចជួយកម្ចាត់ជាតិកខ្វក់ ធូលីដី ញើស កោសិកាស្បែកងាប់ និងក្លិនមិនល្អ ចេញពីពូកបាន។
ជាដំបូង អ្នកគ្រាន់តែយកម៉ាស៊ីនបូមធូលីមកបូមសម្អាតពូកជាមុនសិន សឹមយកម្សៅ Baking soda មួយកញ្ចប់ ចាក់ក្នុងប្រដាប់តម្រងមួយ (អាចបន្ថែមប្រេងក្រអូប ១០ ទៅ ១៥ តំណក់ផងក៏បាន) សឹមរោយឲ្យសព្វផ្ទៃពូក។ បន្ទាប់មក សូមអ្នកទុកពូកនោះចោល ៣ ទៅ ៤ ម៉ោង រួចយកម៉ាស៊ីនបូមធូលី មកបូមសម្អាតម្សៅ Baking soda នោះចេញឲ្យអស់ជាការស្រេច។
# កម្រាលព្រំ និងគ្រឿងសង្ហាររឹមពូក
ងាយៗដោយគ្រាន់តែអ្នក លាយម្សៅ Baking soda ១ ស្លាបព្រាបាយ ជាមួយម្សៅសាប៊ូបោកខោអាវ ១ ស្លាបព្រាបាយ ទឹកក្តៅឧណ្ណៗ ១ ពែង និងទឹកខ្មេះ ៤ ទៅ ៥ ស្លាបព្រាបាយ កូរឲ្យសព្វ រួចចាក់ចូលក្នុងដប ដែលមានមាត់បាញ់បានមួយ។
បន្ទាប់មក យកម៉ាស៊ីនបូមធូលីមកបូមសម្អាតជាមុន សឹមបាញ់ល្បាយខាងលើ ទៅលើបរិវេណស្នាមប្រឡាក់នានា។ ទុកចោល ៥ ទៅ ១០ វិនាទី រួចត្រូវប្រើអេប៉ុងមកជូត និងប៊ឺតទឹកសម្អាតពីបរិវេណសាឡុង ឬកម្រាលព្រំនោះចេញ។ អ្នកអាចបាញ់ និងជូតដដែលៗ រហូតទាល់តែបាត់ស្នាមប្រឡាក់អស់ តែសូមប្រុងប្រយ័ត្ន កុំឲ្យសើមសាឡុង ឬកម្រាលជោគឲ្យសោះ។
# អត្ថប្រយោជន៍
• មានតម្លៃថោក
• គ្មានផ្ទុកសារជាតិគីមីពុល
• ជួយស្រូបយកធូលី និងសំណើមបានយ៉ាងល្អ
• កម្ចាត់ក្លិនមិនល្អបានយ៉ាងមានប្រសិទ្ធភាព
• អាចប្រើជំនួសផលិតផលសម្អាតផ្សេងៗបាន
• អាចសម្លាប់សារពាង្គកាយមីក្រូ បានច្រើន៕
ប្រភព៖ Bright Side
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]