វាសនាមើលមិនឃើញ! ពាក់មី នាំកូនៗនៅមើលបន្ទប់ជួលចាស់ កាលធ្វើសំណង់ ស្រាប់តែកូនៗលាន់មាត់ (មានវីដេអូ)

ភ្នំពេញ៖ មនុស្សយើងពិតជាមើលវាសនាខ្លួនឯងមិនឃើញនោះទេ ថ្ងៃនេះយើងក្រលំបាក ប៉ុន្តែថ្ងៃក្រោយយើងនឹងអាចស្រណុកក៏ថាបានដែរ ឲ្យតែយើងមានភាពឧស្សាហ៍ព្យាយាម ប្រឹងប្រែងតស៊ូ។

ជាក់ស្តែង តារាកំប្លែងកំពុងមានប្រជាប្រិយភាពខ្លាំង នាយ ពាក់មី ដោយសារតែការខិតខំប្រឹងប្រែងរបស់លោក បានធ្វើឲ្យ ជីវិតគ្រួសាររបស់លោក មានភាពល្អប្រសើរនិងសម្បូរបែប មិនថាផ្ទះធំ ឡាន លុយ និងសុភមង្គលក្នុងក្រុមគ្រួសារ គឺពិតជាអំណោយផលខ្លាំងមែនទែន ដោយផ្ទុយពីជីវិតរបស់លោកកាលពីប៉ុន្មានឆ្នាំមុនដាច់។

គួរឲ្យដឹងថា កាលពីមិនទាន់ចូលសិល្បៈ នាយ ពាក់មី និងភរិយា បានជួលបន្ទប់ជួលតូចមួយសម្រាប់រស់នៅ ដោយកាលនោះលោក ត្រឹមតែជាកម្មករសំណង់ រីឯភរិយា គឺជាកម្មការិនីរោងចក្រ ដោយប្រាក់ចំណូលរកបាន សម្រាប់រស់មួយថ្ងៃៗតែប៉ុណ្ណោះ។

មិនថាយ៉ាងណា កាលពីព្រឹកមិញនេះ នាយ ពាក់មី និងភរិយា បាននាំកូនៗរបស់ខ្លួន ទៅរំឮកអនុស្សាវរីយ៍ផ្ទះជួលកម្សត់ ដែលអ្នកទាំងពីរធ្លាប់រស់នៅកម្សត់កម្រជាមួយគ្នា។ ដោយក្នុងនោះ នាយពាក់មី បានប្រាប់ទៅកូនថា«កាលលើកមុនប៉ានៅហ្នឹងណាកូន» ស្រាប់តែកូនរបស់លោកថា«អត់ជឿ» ពីព្រោះថាបច្ចុប្បន្ននេះ ជីវិតគ្រួសាររបស់លោក សម្បូរសប្បាយ បើអ្នកមិនធ្លាប់ដឹង ប្រាកដជាមិនជឿឡើយ ថាជីវិតកាលពីអតីតកាលរបស់លោក យ៉ាងណាខ្លះ៕

ចង់ដឹងថាយ៉ាងណា ទស្សនាវីដេអូទាំងអស់គ្នា៖

• ពាក់មី
• ជីវិត