Ronaldo បង្ហោះរូបភាពជាមួយកូនភ្លោះរបស់ខ្លួនជាលើកដំបូង មើលទៅពិតជាគួរឲ្យស្រលាញ់ណាស់

ព័រទុយហ្គាល់៖ កំពូលតារាបាល់ទាត់ Cristiano Ronaldo បានបង្ហោះរូបភាពមួយពោរពេញទៅដោយការស្រលាញ់ និងមានភាពកក់ក្ដៅក្នុងនាមជាឪពុក ក្រោយរូបគេបានទៅដល់គេហដ្ឋានជួបជុំគ្រួសារ ជាពិសេសគឺបានជួបជាមួយកូនប្រុសភ្លោះរបស់ខ្លួនដែលទើបចាប់កំណើតជាលើកដំបូង។

កីឡាករវ័យ៣២ឆ្នាំ បានខកចិត្ដក្រោយបរាជ័យក្នុងវគ្គពាក់កណ្ដាលផ្ដាច់ព្រ័តពានរង្វាន់ Confederation Cup បន្ទាប់ពីចាញ់ឈីលី ក្នុងវគ្គស៊ុតបាល់ប៉េណាល់ទី។ 

អតីតកីឡាកររបស់ Man Utd ដែលបានស៊ុតបញ្ចូលទី ២៨៥គ្រាប់ ក្នុង២៤១ប្រកួតឲ្យ Real Madrid មិនបានទៅជួបជាមួយកូនភ្លោះរបស់ភ្លាមៗនោះទេ ដោយសារតែជាប់ភារកិច្ចជាមួយក្រុមជម្រើសជាតិ ប៉ុន្ដែពេលនេះរូបគេអាចទៅជួបជាមួយសមាជិកថ្មីនៃគ្រួសាររបស់គេជាលើកដំបូងហើយ កាលពីថៃ្ងព្រហស្បតិ៍ ម្សិលមិញនេះ។  

ម្ចាស់ពានរង្វាន់ Ballon d’Or ៤សម័យ បានបង្ហោះរូបភាពជាមួយកូនប្រុសភ្លោះរបស់ខ្លួន ដែលមើលទៅពិតជាគួរស្រលាញ់ ដោយក្នុងនោះឈ្មោះរបស់កូនទាំង២ គឺ Mateo និង Eva។

មកទល់ពេលនេះ Cristiano Ronaldo មានកូនចំនួន៣នាក់ហើយ ដែលកូនប្រុសច្បងមានអាយុ៧ឆ្នាំ ឈ្មោះ Cristiano Ronaldo Jnr។

គួរបញ្ជាក់ផងដែរថា Ronaldo នឹងត្រូវខកខានមិនបានជួយក្រុមជម្រើសជាតិព័រទុយហ្គាល់ ដណ្ដើមចំណាត់ថ្នាក់លេខ៣ ទល់នឹងក្រុមជម្រើសជាតិម៉ិកស៊ិកឡើយ ក្រោយពីរូបគេត្រូវបានក្រុមអនុញ្ញាតឲ្យទៅជួបជាមួយគ្រួសារ៕  

ប្រភព៖ Dailymail

• គ្រួសារ