រូប២សន្លឹកនេះរបស់ ឱក សុគន្ធកញ្ញា និង ឆន សុវណ្ណរាជ បើមិនឱ្យហៅថាជាគូស្នេហ៍ មិនដឹងថាហៅអ្វីទេ បើផ្អែមល្ហែមម្លឹងៗនោះ!

ព្រះសីហនុ៖ កំពូលតារាចម្រៀងដ៏ល្បីល្បាញប្រចាំប្រទេស ដែលកំពុងជ្រកក្រោមទ្រនំនៅក្នុងផលិតកម្មរស្មីហង្សមាសតែមួយ  កញ្ញា ឱក សុគន្ធ កញ្ញា និងលោក ឆន សុវណ្ណរាជ ត្រូវបានអ្នកគាំទ្រជាច្រើននាក់ មានការស្រលាញ់ពេញចិត្ត និងជាពិសេសគឺចង់ឱ្យកំពូលតារាចម្រៀងទាំងពីរដួងនេះ ក្លាយទៅជាគូស្នេហ៍នឹងគ្នាយ៉ាងខ្លាំង។

ជារឿយៗអ្នកគាំទ្រតែងនាំគ្នាសរសើរថាតារាចម្រៀង  ឱក សុគន្ធកញ្ញា និង  ឆន សុវណ្ណរាជ គឺពិតជាសមគ្នាខ្លាំងណាស់ ពេលបណ្តើរគ្នាចេញទៅណាម្តងៗ ហើយពួកគេក៏តែងតែជូនពរឱ្យអ្នកទាំងពីរស្រលាញ់គ្នាមែនទែន ដូចគូស្នេហ៍ដទៃទៀតផងដែរ។

ជាក់ស្តែងនៅថ្ងៃនេះ លើបណ្តាញទំនាក់ទំនងសង្គមហ្វេសប៊ុករបស់លោក ឆន សុវណ្ណរាជ បានបង្ហោះនូវរូបភាពផ្អែមល្ហែមជាមួយនឹងកញ្ញា ឱក សុគន្ធកញ្ញា នៅមាត់សមុទ្រ ដោយភ្ជាប់មកជាមួយនឹង Caption ថា៖ «សួស្តីកំពង់សោមកំពង់ចិត្ត អរគុណណាស់បង @Sophea sam សំរាប់អាវយឺតដ៏ស្រស់ស្អាតដល់យើងខ្ញុំទាំងពីរនាក់»។

ទន្ទឹមនឹងនេះ ក៏មានអ្នកគាំទ្រជាច្រើនបានចូលមកបញ្ចេញមតិយោបល់នៅខាងក្រោមថា ពិតជាសមគ្នា និងគួរឱ្យស្រលាញ់ខ្លាំងណាស់ ពិសេសគឺមានភាពផ្អែមល្ហែមជាមួយគ្នាតែម្តង។ 

បើផ្អែមល្ហែមជាមួយគ្នាបែបនេះហើយ តើនរណាជឿថាអ្នកទាំងពីរមិនមែនជាគូស្នេហ៍នឹងគ្នានោះ?

ប៉ុន្តែទោះជាយ៉ាងនេះក្តី សម្រាប់កញ្ញា ឱក សុគន្ធកញ្ញា និងលោក ឆន សុវណ្ណរាជ វិញអ្នកទាំងពីរមិនទាន់បានបញ្ជាក់ច្បាស់លាស់នៅឡើយទេថា ពួកគេពិតជាមានទំនាក់ទំនងផ្អែមល្ហែមជាមួយគ្នា លើសពីពាក្យថាមិត្តនោះទេ៕

ទស្សនារូបភាពរបស់ពួកគេដូចខាងក្រោមនេះ៖

• ឆន សុវណ្ណរាជ
• ឱក សុគន្ធកញ្ញា
• ស្នេហា
• រូបភាព