ភ្នំពេញ៖ តារាចម្រៀងក្នុងផលិតកម្ម ភ្លេងរីខដ កញ្ញា វ៉ាន់ នីឡា ឈ្មោះដើម សុខ ចិន្តា ជាប្អូនស្រីបង្កើតរបស់កវី សុខ ជំនោរ បានបង្ហាញថា រយៈពេលមួយឆ្នាំគត់ អត់ដែលបានទទួលនូវតម្រុយថា ខ្លួននឹងមានដំណោះស្រាយបែបណា ទាល់តែសោះ ពីរឿង អាម៉ាស់ ដែលគេទម្លាយរូបអាក្រាត ក្រោយពីខ្ញុំសម្រេចចិត្ត ដាក់ពាក្យបណ្តឹងទៅកាន់តុលាការ ចោទអតីតសង្សារពីបទប្រើប្រាស់អំពើហិង្សា ដោយចេតនា និងបង្ហោះរូបអាក្រាតជាសាធារណៈ។
បើយើងដឹងថាមកដល់ពេលនេះ ខែមិថុនា ដល់ខួបមួយឆ្នាំនៃការ បែកធ្លាយរូបអាក្រាត បង្កភាពអាម៉ាស់ដល់តារាចម្រៀង វ៉ាន់ នីឡា ហើយ ប៉ុន្តែយុតិ្តធម៌សម្រាប់នាងនៅមិនទាន់មានពន្លឺឲ្យនាងស្ងប់ក្នុងអារម្មណ៍នោះឡើយ។ ទោះយ៉ាងណានាងបានត្រឹមតែទទួល ពាក្យសម្ដីចំអកឡកឡឺយពីខាងអតីតសង្សារថា មិនខ្វល់នឹងបណ្តឹងនាង ចង់ប្តឹងដល់ណាក៏ប្តឹងទៅ ។
ជាមួយនឹងការឈឺចាប់ កញ្ញា វ៉ាន់ នីឡា បានលើកជាថ្មីថា "រយៈពេលមួយឆ្នាំគត់ដែលខ្ញុំអត់ ដែលបានទទួលនូវតម្រុយថា ខ្លួននឹងមានដំណោះស្រាយ បែបណាទាល់តែសោះ ពីរឿង អាម៉ាស់របស់ខ្ញុំ ដែលគេទម្លាយរូបអាក្រាត ក្រោយពីខ្ញុំសម្រេចចិត្តដាក់ពាក្យបណ្តឹង ទៅកាន់តុលាការចោទអតីតសង្សារ ពីបទប្រើប្រាស់អំពើហិង្សា ដោយចេតនា និងបង្ហោះរូបអាក្រាតជាសាធារណៈ ។ ភាគីខាងជនបង្ក (គុយ សិទ្ធិស័ក្ដិ) អត់មានអ្នកណាគេអើពើ នឹងចំណាត់ការរបស់ក្រសួងមហាផ្ទៃ ឬតុលាការសូម្បីតែបន្តិច ដែលថែមទាំងបោះពាក្យសម្ដីចំអកឡកឡឺយមកវិញ"។
វ៉ាន់ នីឡា បញ្ជាក់ឲ្យដឹងថា "ហេតុអ្វីរឿងកើតឡើងចំពោះខ្លួន ដោយមានភ័ស្តុតាង គ្រប់គ្រាន់អស់ទៅហើយ តែត្រូវប្រព័ន្ធច្បាប់ ធ្វើការយូរទៅៗ ដែលហាក់ដូចជាចង់បណ្តោយឲ្យរឿងមួយនេះរសាត់បាត់ស្ងប់ស្ងាត់។ ឲ្យតែនឹកដល់រឿងរ៉ាវទាំងនេះ គឺខ្ញុំពិបាកយល់ ជាពិសេសនៅពេលតុលាការកោះហៅជនបង្ក (អតីតសង្សារ) ចំនួន ២ ដង តែចុងក្រោយគឺលោក គុយ សិទ្ធិស័ក្តិ ដែលជាអ្នកបំពានលើខ្ញុំឲ្យអាម៉ាស់នោះ ក្រៅពីមិនចូលខ្លួនមកបំភ្លឺទាំងនៅក្រសួងមហាផ្ទៃ និងនៅតុលាការហើយ នៅបោះពាក្យសម្តីឲ្យមកខ្ញុំថា (កុំសង្ឃឹម) ។ ខ្ញុំនៅសង្ឃឹមយុត្តិធម៌នៅមាន បើខ្ញុំនៅមានមហិច្ឆតាបន្តដំណើរស្វែងរក ដោយភាពអំណត់ និងរឹងមាំនោះ "។
គួររំលឹកថា កាលពីដើមឆ្នាំ ២០១៦ រូបថតអាក្រាតកាយ ចំណាយទាំងវង់ភក្ត្រយ៉ាងជាក់ក្រឡែក ជាកញ្ញា វ៉ាន់ នីឡា ត្រូវបានបែកធ្លាយពេញបណ្តាញសង្គម ហើយត្រូវបាននាងបញ្ជាក់ថា គឺជាចេតនាពីអតីតសង្សាររបស់នាង ដែលមានឋានៈជាមន្ត្រីប៉ូលិស ឈ្មោះ គុយ សិទ្ធិស័ក្ដិ និងជាកូនប្រុស លោកផ្កាយ ៣ ទម្លាយបង្ខូចកិត្តិយសនាង ។ នាងក៏បានរងពាក្យសម្ដីចំអកឡកឡឺយពីខាងអតីតសង្សារថា មិនខ្វល់នឹងបណ្តឹងនាង ចង់ប្តឹងដល់ណាក៏ប្តឹងទៅ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
