ភ្នំពេញៈ បន្ទាប់ពីរៀបចំធ្វើខួបឲ្យហានី ឡើងភ្ញាក់ផ្អើល លោក ហេង ឡុង បានកែនអ្នកសិល្បករទាំងអស់ សុំកុំភ្លេច បោះឆ្នោតអោយអនាគតភរិយាខ្លួន ក្នុងពេលខាងមុខនេះ បើចង់អោយ ចន ច័ន្ទលក្ខិណា ឡើងធ្វើជាប្រធានសមាគមសិល្បករខ្មែរ។
បើតាមប្រភពអ្នកស្និទ្ធក្នុងក្រុមអនាគតប្តីអ្នកនាងចន ច័ន្ទលក្ខិណា បានប្រាប់ថា លោក ហេង ឡុង បានប្រកាសក្នុងគ្រុបរបស់ខ្លួន កាលពីព្រឹកថ្ងៃទី២៨ ខែមិថុនា ឆ្នាំ២០១៧ ដែលមានសិល្បករជាច្រើននៅក្នុងនោះ ដោយប្រាប់ថា បើចង់ឲ្យប្រធានសមាគមយើង ក្លាយទៅជា ប្រធានសមាគមសិល្បករខ្មែរ សូមកុំភ្លេច ទៅបោះឆ្នោតជូន នៅថ្ងៃទី៧ ខែកក្កដា ខាងមុខនេះ បោះឆ្នោតអោយ ចន ច័ន្ទលក្ខិណា។
ទោះជាយ៉ាងណា Looking Today បានសុំការបកស្រាយពីអ្នកនាង ចន ច័ន្ទលក្ខិណា ថាតើយើងមានសង្ឃឹមទេ ក្នុងការឡើងធ្វើជាប្រធាន សមាគមសិល្បករខ្មែរ? ហើយយើងចង់ដឹងថាសិល្បៈណាខ្លះ ជាអ្នកឈរឈ្មោះខ្លះ? តែមិនទាន់បានទទួលការឆ្លើយតប នៅឡើយទេ។
គួររំលឹកថា អ្នកនាង ចន ច័ន្ទលក្ខិណា បានសរសេរ នៅលើបណ្តាញសង្គមហ្វេសប៊ុកថា បុណ្យចំរើនអាយុ ៣៦ ខ្ទាតចូល ៣៧ របស់ខ្ញុំ គឺផុតត្រឹមម៉ោងនេះហើយ 20.06.1980-20.06.2017 ចាស់១ឆ្នាំទៀតហើយ។ ហើយក៏មិនលាក់អាយុដែរ អាយុ original ចាស បើអ្នកខ្លះមិនជឿគឺខ្ញុំមាន សាក្សី និង ភ័ស្តុតាងចាស ហើយក៏មិនដែលចូលចិត្ត រឿងរៀបចំខួបកំណើតអោយខ្លួនឯងទេ ចូលចិត្តតែរៀបចំអោយគេ។
អ្នកនាង ចន ចាន់លក្ខិណា ថា សុំនិយាយដោយត្រង់ ការពិតអត់ចង់និយាយទេ តែស្អប់មនុស្សមួយចំនួន ចូលចិត្តខមមិនគាស់របួសចាស់ អោយរើឡើងវិញ ខ្ញុំសុំនិយាយថា បើគ្មានភាពទទួលខុសត្រូវគ្រួសារ និង គ្មានភាពស្មោះត្រង់ទេ គឺទោះស្រលាញ់គ្នារាប់ឆ្នាំ ក៏ខ្ញុំមិនខ្លាចនិងបែកបាក់ម្តងទៀតដែរ។
តារាម៉ូដែលកំពុងឡើងកូដរូបនេះ បានបន្តថា ខ្ញុំមិនអោយជីវិតរបស់ខ្ញុំ ទ្រាំដេកដួលក្នុងភាពឈឺចាប់ ឯកោ និង ការក្បត់ ទៀតទេ របួសចាស់វាជាស្រមោល ដែលអន្ទងក្នុងសុបិន្តរបស់ខ្ញុំរហូត រយះពេលប៉ុន្មានឆ្នាំមកនេះ អ្នកណាក៏ខ្ញុំមិនទុកចិត្តដែរ អោយតែប្រុស ខ្ញុំមិនទទួលយកជាដាច់ខាត ហើយយកទៅគិតម្តងទៀត ហើយកុំសង្ឃឹមថា ខ្ញុំងាយនិងរៀបការម្តងទៀត៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
