តៃវ៉ាន់៖ ហាងម៉ាស្សាមួយកន្លែង កំពុងល្បីលើអ៊ីនធើណែត ដោយសារហាងនេះមានបម្រើសេវាកម្មដ៏ចម្លែក គឺប្រើកាំបិតប៉័ងតោជាឧបករណ៍សម្រាប់ម៉ាស្សា។
ហាងម៉ាស្សាយីហោ Ancient Art of Knife Therapy Education Centre ស្ថិតនៅក្នុងទីក្រុងតៃប៉ិ កោះតៃវ៉ាន់ មានម្ចាស់ឈ្មោះ Hsiao Mei Fang ។ គាត់បានចាប់ផ្តើមបើកដំណើរការហាងម៉ាស្សាដ៏គួរឲ្យស្រៀវខ្លួននេះ រយៈពេលជាង ១៣ឆ្នាំមកហើយ រីឯ សន្ទុះនៃការគាំទ្រក៏មានច្រើនដែរ។ ចំពោះតម្លៃវិញ មានចាប់ពី៣៨ដុល្លារឡើងទៅ។
អ្នកស្រី Fang ជាម្ចាស់ហាងម៉ាស្សាខាងលើ បាននិយាយថា ការម៉ាស្សារបៀបនេះ វាមានដើមកំណើតមកពីប្រទេសចិន ហើយវាមានអាយុកាលប្រហែល ២ ៥០០ឆ្នាំមកហើយ។ កាម៉ាស្សាតាមវិធីសាស្រ្តនេះ ជួយសម្រួលដល់ថាមពលនៅខាងក្នុងខ្លួនរបស់មនុស្ស និងថែមទាំងជួយជំរុញឲ្យពួកគេ មានអារម្មណ៍ថាធូរស្រាល។
រាល់កាំបិតក្នុងហាងរបស់អ្នកស្រី គឺត្រូវបានផលិតឡើងមានលក្ខណៈពិសេស និងសុវត្ថិភាពបំផុត។ ដោយមិនយកកាំបិតប្រើក្នុងផ្ទះបាយធម្មតា មកប្រើប្រាស់ក្នុងសេវាកម្មម៉ាស្សាជូនដល់អតិថិជនឡើយ។
អ្នកស្រី Fang ថ្លែងថា «មានអតិថិជនជាច្រើនគិតថា វាដូចជាកំប្លែងពេកហើយ ប៉ុន្តែផ្ទុយទៅវិញពួកគេមិនទាន់យល់ច្បាស់ ពីគុណប្រយោជន៍របស់វា ដែលនឹងជួយផ្លាស់ប្តូរជីវិតរបស់ពួកគេឲ្យប្រសើរឡើងយ៉ាងណានោះទេ។ ប្រសិនបើពួកគេ ធ្លាប់បានមកសាកល្បងការម៉ាស្សានេះ ពួកគេច្បាស់ជាហៅមិត្តភក្តិ មកជាបន្តបន្ទាប់ជាមិនខាន» ។
ជាក់ស្តែងសម្រាប់អតិថិជនដែលធ្លាប់បានអញ្ជើញមក ទទួលយកសេវាកម្មម៉ាស្សានៅហាងនេះ តែងលាន់មាត់សរសើរថា ពិតជាពិសេសនិងប្លែក ហាក់បីដូចជាមានចន្តរអគ្គីសនីកំពុងតែរត់ញ័រ ពេញដងខ្លួនរបស់ពួកគេ ជួយសម្រួលដល់សរសៃសសូងក្នុងខ្លួន ដើម្បីទទួលបានសុខភាពល្អ៕
តើសម្រាប់ប្រិយមិត្តវិញយល់យ៉ាងណាដែរ?
ទស្សនាវីដេអូខាងក្រោម៖
ប្រភព៖ បរទេស
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]