ខេត្តបន្ទាយមានជ័យ ៖ បុរសម្នាក់ ដែលស្គាល់ជាយុវជនបន្សាបគ្រឿងញៀននៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ បានលង់ទឹកស្រះស្លាប់យ៉ាងអាណោចអាធ័ម កើតឡើងកាលពីវេលាម៉ោង០២ និង៤០នាទីរសៀលថ្ងៃទី២៥ មិថុនា ស្ថិតនៅខាងលិចសួនស្ព័រ ក្នុងភូមិក្បាលស្ពាន សង្កាត់ព្រះពន្លា ក្រុងសិរិសោភ័ណ ខេត្តបន្ទាយមានជ័យ ។
ជនរងគ្រោះខាងលើ ឈ្មោះខ្នា ឃុន្នី អាយុ៣២ឆ្នាំ មានទីលំនៅភូមិដំដែក ឃុំដំដែក ស្រុកសូទ្រនិគម ខេត្តសៀមរាប ។ សព្វថ្ងៃ យុវជនរូបនេះ បានមកស្នាក់នៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ដើម្បីបន្សាបនូវសារធាតុញៀន។
លោកនាយប៉ុស្តិ៍បានបញ្ជាក់ទៀតថា មុនពេលកើតហេតុ ជនរងគ្រោះបានផឹកស្រាស្រវឹង រួចជិះទូកទៅបង់ត្រី ស្រាប់តែធ្លាក់ពីលើទូកចូលទឹកស្រះលង់ស្លាប់តែម្តង ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]