ភ្នំពេញ៖ តារាស្រីទម្រង់មុខមូលខ្ជូត ស្រស់ស្អាត កញ្ញា ម៉ៅ គីមធីតា បង្ហើបថា ឪពុកម្តាយនាងលែងសូវបារម្ភ និងអាចទុកចិត្តចំពោះការដើរហើរ និង ទៅធ្វើការងារសម្តែង បើទោះនាងកំពុងតែមានរូបរាង ស្រស់ស្អាត និង ស៊ីចស៊ី ដែលធ្វើឱ្យបុរសលង់ស្នេហ៍ ជាច្រើននាក់ក៏ដោយ ។
តារាសម្តែងស្រីវ័យក្មេង ដែលប្រឡូកក្នុងវិស័យសិល្បៈ តាំងពីអាយុ១៥ឆ្នាំមករូបនេះ មានអាយុពេញក្រមុំទៅហើយ ប៉ុន្តែប៉ាម៉ាក់របស់នាង មិនសូវបារម្ភខ្លាំងឡើយ ខណៈកំពុងលេចធ្លោក្នុងរឿងភាគ បញ្ចាំងលើទូរទស្សន៍ជាបន្តបន្ទាប់ ។
តារាស្រីមុខស្រស់សាច់ខ្ចីរូបនេះ បានឲ្យដឹងថា “កាលពីមុនៗ ប៉ាខ្ញុំគាត់ចេះតែបារម្ភ រឿងដើរមកណាប៉ុន្តែពេលនេះ គាត់រាងដឹងច្រើន គាត់មិនសូវបារម្ភពីខ្ញុំទេ។ ពីមុនៗគាត់បារម្ភខ្ញុំខ្លាចដើរមកណា មានរឿង ឬ ជិះណាមកណា ខ្លាចគ្រោះថ្នាក់អញ្ចឹងណា។ សម្រាប់រឿងផ្ទាល់ខ្លួនរបស់ខ្ញុំ គាត់នៅតែគិតពីខ្ញុំដដែល គ្រាន់តែថាគាត់នៅបារម្ភតិចៗ”។
នាងបានប្រាប់ថា ប៉ារបស់នាងតែងតែទូរស័ព្ទ មកសួរចំពោះការធ្វើដំណើរទៅថត។ ម្យ៉ាងនាងជាកូនដែលធ្វើឪពុកម្តាយ មានទំនុកចិត្តទាំងការងារ និងរឿងស្នេហា ដែលមិនបង្កផលលំបាក ឬ ប៉ះពាល់កេរ្តិ៍ឈ្មោះឪពុកម្តាយ របស់នាងនោះទេ។
កញ្ញា ម៉ៅ គីមធីតា បានបង្ហើបថា ពេលនេះឪពុកម្តាយមិនសូវបារម្ភ និងអាចទុកចិត្តនាង ចំពោះការដើរហើរ និង ទៅធ្វើការងារសម្តែង បើទោះនាងកំពុងតែ មានរូបរាងស្រស់ស្អាត និង សិចស៊ី ដែលធ្វើឱ្យបុរសលង់ស្នេហ៍ ជាច្រើននាក់ក៏ដោយ ។ ប៉ុន្តែទោះយ៉ាងណា ក៏អាណាព្យាបាលរបស់នាង នៅតែបារម្ភផងដែរ នៅពេលនាងចេញទៅ ធ្វើការងារឆ្ងាយ ឬពេលយប់ព្រលប់ខណៈនាង ពេលនេះមានវ័យ១៩ឆ្នាំ ពេញរូបពេញរាង ជាមួយកេរ្តិ៍ឈ្មោះ ជាតារាសម្តែងវ័យក្មេ ងដែលបានតំណែង ក្នុងរឿងភាគល្បីៗជាច្រើន។
សូមជម្រាបថា តារាវ័យ១៩ឆ្នាំរូបនេះ បានប្រឡូកការងារសម្តែង ទើបតែបានមួយឆ្នាំប៉ុណ្ណោះ ប៉ុន្តែបើនិយាយក្នុងពិភពសិល្បៈ បានរយៈពេល៣ឆ្នាំមកហើយ។ ពីដំបូងឡើយនាងជាអ្នកបង្ហាញម៉ូត ដោយមិនទាន់គិតចង់ក្លាយ ជាតួសម្តែងឡើយ។ រឿងដំបូងដែលបានសម្តែងគឺរឿង “៣០ថ្ងៃ” របស់ផលិតកម្មមហាហង្ស។ នាងបានថតរឿងដូចជារឿង “ព្យុះជីវិតចិត្តអ្នកលេង” “សង្គ្រាមមរតក” និង “មន្តស្នេហ៍លេខា”៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
