បរទេស៖ កីឡាករបាល់ទាត់ល្បីៗមួយចំនួន បានជាប់ពាក់ពន្ធទៅនឹងការគេចពន្ធ ក្រោយពីព្រះរាជអាជ្ញាបានរកឃើញ ហើយក៏មានការពិន័យជាទឹកប្រាក់ និងការកាត់ទោសឲ្យជាប់ពន្ធនាគារជាច្រើនឆ្នាំទៀតផង។
កីឡាករមួយចំនួន ត្រូវបានកាត់ទោសឲ្យជាប់ពន្ធនាគារ ទោះបីជាទោសនោះមានរយៈពេលតិចជាង២ឆ្នាំ ហើយបទលើ្មសដែលគេធើ្វនោះគឺជាទោសលើកដំបូង ដូច្នេះហើយទើបធ្វើឲ្យកីឡាករទាំងនេះ មិនត្រូវបានគេយកទៅធ្វើការឃុំឃាំង ហើយគ្មានកីឡាករណាមួយត្រូវបានជាប់ពន្ធនាគារទេ។
ដូច្នេះយើងទៅមើលទាំងអស់គ្នា ថាតើកីឡាករណាខ្លះដែលចោទប្រកាន់ពីបទគេចពន្ធ៖
-Samuel Eto
ព្រះរាជអាជ្ញាបានប្រកាសជាសាធារណៈថាបានកាត់ទោស Eto ឲ្យជាប់ពន្ធនាគាររយៈពេល១០ឆ្នាំ ចំពោះការមិនបង់ប្រាក់ចំនួន ១៥.៧៨លានដុល្លារ (២០លានដុល្លារ) ពីឆ្នាំ២០០៥ ដល់២០០៩
-Lionel Messi
ទាំងឪពុក និងកូន ត្រូវបានជាប់ពន្ធនាគាររយៈពេល២១ខែ ក្រោយក្លែងបន្លំឯកសារពន្ធដែលមានចំនួនទឹកប្រាក់ ៣.៥៩ផោន (៤.៥លានដុល្លារ) ពីឆ្នាំ២០០៧ ដល់២០០៩។
-Javier Mascherano
អតីតខែ្សការពាររបស់ Liverpool នេះត្រូវបានកាត់ទោសឲ្យជាប់ពន្ធនាគារ១ឆ្នាំ និងពិន័យជាប្រាក់ ៧១៤០០០ផោន (ជាង៩០ម៉ឺនដុល្លារ) ក្រោយបន្លំពន្ធដែលមានចំនួនទឹកប្រាក់ ១.៣១លានផោន (១.៦លានដុល្លារ) ចន្លោះឆ្នាំ២០១១ ដល់២០១២។
-Alexis Sanchez
ខ្សែប្រយុទ្ធរបស់ក្រុមកាំភ្លើងធំ Arsenal បានទទួលស្គាល់អំពីការក្លែងបន្លំពន្ធដែលមានទឹកប្រាក់ ៨៨ម៉ឺនផោន (ជាង១លានដុល្លារ) ពីឆ្នាំ២០១២ ដល់២០១៣ អំឡុងពេលដែលរួបគេលេងនៅ Barcelona។
-Fabio Coentrao
រូបគេត្រូវបានចោទប្រកាន់ពីបទបន្លំពន្ធដែលមានចំនួនទឹកប្រាក់ ៤.៩លានផោន (ជាង៦លានដុល្លារ) អំឡុងឆ្នាំ២០១១ ដែលពេលនោះរូបគេបានប្រើប្រាស់ក្រុមហ៊ុន Panama និង Ireland ដើម្បីបន្លំក្នុងការបង់ពន្ធប្រាក់ចំណូលនៃរូបភាពក្នុងប្រទេសអេស្ប៉ាញ។
-Ricardo Carvalho
រូបគេបានព្រមព្រៀងក្នុងការទទួលទោសដាក់ពន្ធនាគាររយៈពេល៨ខែ និងបង់ប្រាក់ចំនួន ៦៧ម៉ឺនផោន (៨៥ម៉ឺនដុល្លារ) ក្រោយពីបន្លំពន្ធដែលមានចំនូនទឹកប្រាក់ចំនួន ១៥ម៉ឺនផោន (១៩ម៉ឺនដុល្លារ) ក្នុងឆ្នាំ២០១១ និង ៣២៨០០ផោន (៤១ម៉ឺនដុល្លារ) ក្នុងឆ្នាំ២០១២។
-Radamel Falcao
កីឡាករសញ្ជាតិកូឡុំប៊ីរូបនេះ ត្រូវបានគេរកឃើញថាបានបន្លំពន្ធក្នុងទឹកប្រាក់ ៤.៩លានផោន (ជាង៦លានដុល្លារ)។ រូបគេបានប្រើប្រាស់ក្រុមហ៊ុនមួយក្នុងប្រទេសកូឡុំប៊ី និងចក្រភពអង់គ្លេស ដើម្បីគេចនូវការបង់ប្រាក់ចំនូលក្នុងប្រទេសអេស្ប៉ាញក្នុងឆ្នាំ២០១២ និង២០១៣។
-Angel di Maria
រូបគេត្រូវបានគេរកឃើញថាបានបន្លំពន្ធដែលមានទឹកប្រាក់ ១.១លានផោន (១.៣លានដុល្លារ) ចន្លោះឆ្នាំ២០១២ និង២០១៣។
-Jose Mourinho
គ្រូបង្វឹកក្រុមបិសាចក្រហម Manchester United នេះត្រូវបានគេរកឃើញថាបានបន្លំពន្ធដែលមានទឹកប្រាក់ ២.៨៩លានផោន (៣.៦៧លានដុល្លារ)។
-Cristiano Ronaldo
តារាឆ្នើមរបស់ក្រុមអធិរាជស Real Madrid ត្រូវបានគេរកឃើញបានបន្លំពន្ធដែលមានទឹកប្រាក់ ១២.៩លានផោន (១៦លានដុល្លារ)។
-Barcelona (Neymar)
ក្រុមដែលមានមូលដ្ឋានក្នុងទីក្រុងកាតាឡាន់ ត្រូវបានគេពិន័យចំនួន ៩.៦៤លានផោន (ជាង១២លានដុល្លារ) ហើយត្រូវបង្ខំឲ្យបង់ ៤.៨២លានផោន (ជាង៦លានដុល្លារ) បន្ថែមទៀត នៅពេលដែលក្លិបនេះបានទទួលស្គាល់នូវការបន្លំទឹកប្រាក់ចំនួន ៣៥លានផោន (៤៤លានដុល្លារ) ទៅលើក្រុមហ៊ុនដែលជាកម្មសិទ្ធឪពុករបស់ Neymar និងផែ្នកមួយចំនួននៃការទិញ Neymar ពីក្រុម Santos កាលពីឆ្នាំ២០១៣កន្លងទៅ៕
ប្រភព៖ Dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]