មិនធម្មតា! ឃួន ឡាបូរ៉ាវី ស៊ុត៩គ្រាប់ម្នាក់ឯង ជួយបឹងកេត លត់ក្រុមខេត្ដឧត្ដរមានជ័យ ១៤-១ ខណៈណាហ្គាវើល ឈ្នះ ស្វាយរៀង ១៤-០

ភ្នំពេញ៖ ការប្រកួតបាល់ទាត់ពានរង្វាន់សម្ដេចហ៊ុនសែន ឆ្នាំ២០១៧ កាលពីម្សិលមិញ គឺក្រុមខ្លាំងបឹងកេត បានលត់ខេត្ដឧត្ដរមានជ័យ ដោយលទ្ធផល ១៤-១ ក្នុងនោះ ឃួន ឡាបូរ៉ាវី ធើ្វបានរហូតដល់ទៅ៩គ្រាប់ម្នាក់ឯង។

១៤គ្រាប់ដែលរកបានដោយក្រុមម្ចាស់ជើងឯកលីកកំពូលកម្ពុជា២សម័យ គឺមានដូចជាកីឡាករ ឃួន ឡាបូរ៉ាវី (៩គ្រាប់) ឱ ភារុន (២គ្រាប់) ជា វេស្លី (១គ្រាប់) លី មីហ្សាន(១គ្រាប់) សួន សុភ័ក្ត្រា(១គ្រាប់) ខណះក្រុមខេត្ដឧត្ដរមានជ័យរកបាន១គ្រាប់ដោយកីឡាករ ណុប រ័ត្តនា។

ដោយឡែកការប្រកួតមួយគូរទៀតផងដែរ គឺជាការជួបគ្នារវាងក្រុមណាហ្គាវើល និងក្រុមខេត្ដស្វាយរៀង ដែលជាលទ្ធផល ណាហ្គាវើល បានលត់ខេត្ដស្វាយរៀង មិនឲ្យតដៃរួចដោយលទ្ធផល ១៤-០។

១៤គ្រាប់របស់ណាហ្គាវើល រកបានដោយកីឡាករ វីរៈ(៧គ្រាប់) ដានី (១គ្រាប់) រ៉ូទីន (១គ្រាប់) សុះស៊ូហានា (១គ្រាប់) បូរី (២គ្រាប់) សុកុម្ភៈ (១គ្រាប់) និង ចិត្រា (១គ្រាប់)៕