អូស្ដ្រាលី៖ ប្រិយមិត្តបានស្គាល់អតីតតារាសម្តែង លោក ស៊ុក សុភា ឬនេន ទុំ រួចមកហើយ ជាតារាពូកែសម្តែងខាងតួកម្សត់ស្នេហ៍ ឥលូវនេះលោកមានគ្រួសារមួយយ៉ាងកក់ក្តៅនៅឯអូស្ដ្រាលី។
ក៏ដូចជាកាលពីប៉ុន្មានម៉ោងមុននេះ លោកបានបង្ហោះសារជាមួយនឹងរូបភាពក្នុងថ្ងៃ គំរប់ខួបអាពាពិពាហ៍របស់លោកបាន ៥ឆ្នាំថា៖ «ប្រពន្ធសម្លាញ់ចិត្តប្ដី Happy 5th years of our wedding anniversary ជាការពិតណាស់ពេលាវេពិតជាដើរទៅលឿនមែនសម្រាប់ពួកយើងទាំងពីរ ក្នុងរយះពេល៥ឆ្នាំកន្លងផុតទៅ ហើយបងនឹងអូនពិតជាបានស្គាល់គ្រប់រស់ជាតិនៃជីវិតគូររួមរស់ជាមួយគ្នាពិតប្រាកដ។ បងពិតជាដឹងថាអ្វីៗដែលយើងទាំងពីរនាក់ខិតខំធ្វើរាល់ថ្ងៃនឹងបងជឿជាក់ថាមិនមែនត្រឹមតែផ្ដល់សេចក្ដីសុខចំពោះអូននឹងបងនោះទេ តែអ្វីដែលសំខាន់បំផុតគឺកូនៗទាំង៥ របស់យើងផងដែរ ជាពិសេសទៅទៀតបានអូនហើយនឹង បងមើលថែរក្សារដោយផ្ទាល់ដៃយើងទាំងពីរនាក់ជារៀងរាល់ថ្ងៃ ហើយនឹងរួមរស់នៅជាមួយគ្នាបានរាល់ថ្ងៃ ដូច្នេះបងជឿជាក់ថាពួកគាត់ពិតជាទទួលបានទាំងភាពកក់ក្ដៅ និងទាំងជីវភាពរស់នៅដ៏ត្រជាក់ត្រជុំមិនខានឡើយបើទោះបីជាបងនឹង អូនមិនមានលុយច្រើនរាប់មិនអស់ដូចជា ឯឧត្តម ឬឧកញ្ញា ក៏ដោយ តែអ្វីៗដែលយើងមានសព្វថ្ងៃនេះ ចំពោះបងគិតថាវាសមរម្យសម្រាប់យើងទាំងពីរនាក់ហើយ។
ហើយសម្រាប់បងក៏សូមអរគុណចំពោះអូននៅការព្យាយាមមើលថែរក្សាបងរហូតកន្លងមក ដែលបងគិតថាអូន ប្រៀបដូចជាម្ដាយរបស់បងហើយបងនឹងសង្ឃឹមថាអូននឹងនៅតែបន្ដរទង្វើរដ៏ប្រពៃនេះសម្រាប់បង និងសម្រាប់កូនៗយើងទៅមុខទៀត ដូចដែលអូនបានធ្វើកន្លងមកផងដែរ។ ជាចុងក្រោយបងសូមបញ្ជាក់ថា បងពិតជាត្រូវការអូនស្រលាញ់អូននឹងកូនៗរបស់យើងខ្លាំងណាស់។ I love you more than I can say too honey Sarina Lucky Luy»។
គួរបញ្ជាក់ថា លោកស៊ុក សុភា បានរៀបអាពាហ៍ពិពាហ៍ ជាមួយអាណិកជនខ្មែរ នៅអូស្ត្រាលី គឺអ្នកនាងហ្សារីណា ជាស្ត្រីមេម៉ាយកូន២ កាលពីពាក់កណ្តាលឆ្នាំ២០១២ និងមកដល់សព្វថ្ងៃនេះ អ្នកទាំងពីរមានកូនសរុប ៥នាក់។
តោះ! មកទស្សនាកម្រងរូបភាពនៃគ្រួសាររបស់លោកទាំងអស់គ្នា!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
