ស៊ឹម ស្រីមុំ គ្មានចេតនា បង្អួតភាពសិចស៊ី ទៅកាន់មហាជនពិតមែន

ភ្នំពេញៈ តារាសម្តែងសាច់ខ្ចីមុខស្រស់ កញ្ញាស៊ឹម ស្រីមុំ ធ្លាប់តែស្លៀកពាក់សុភាពៗ ដល់ពេលឃើញនាងស្លៀកឈុត ហែល ទឹកបង្ហាញសាច់ឈរនៅមាត់សមុទ្រធ្វើឲ្យភ្នែកបុរសៗស្ទើរ តែ ជ្រុះ ដល់ដី និងឈាមច្រមុះ តែនាងអះអាងថា គ្មានចេតនា បង្អួតភាពសិចស៊ីទៅកាន់មហាជនពិតមែន ។

យើងធ្លាប់តែឃើញ កញ្ញាស៊ឹម ស្រីមុំ មិនថា ជីវិតក្នុងឆាក ឬក្រៅឆាកសម្ដែងនោះទេ ស្លៀកពាក់សុភាពៗ ហើយមិននឹកស្មាន ថា ហ៊ានព្រលែងខ្លួនឡើងប៉ះសក់បែបអឺរ៉ុបដែលគ្រាន់តែចង់ប្តូរស្ទីលខ្លះ ព្រោះឃើញតារាជាច្រើន ហ៊ានចំណាយភាពសិចស៊ី បង្អួតមហាជនតាមរយៈការសម្ដែងហើយទទួលបានជោគជ័យ។

ទន្ទឹមគ្នានោះដែរ តារាសម្តែងសាច់ខ្ចីមុខស្រស់បានឲ្យដឹងថា "កន្លងមកដោយសារតែមានកិច្ចការផ្ទាល់ខ្លួនរវល់ច្រើន ទើប ខ្ញុំមិនទាន់ទទួលយកការងារសម្ដែងភាពយន្ដច្រើនព្រោះខ្លាចខូចការងារ គេ ប៉ុន្ដែពេលនេះខ្ញុំអាចទទួល យកការងារសម្ដែង បានពេញទំហឹងហើយ ដូច្នេះប្រសិនបើមានរឿងណាតម្រូវឱ្យសម្ដែងឈុតសិចស៊ីនោះខ្ញុំក៏ចង់ភ្លក្សរសជាតិ នៃ ការសម្ដែង បែប ហ្នឹងដែរ ព្រោះធ្លាប់តែសម្ដែងសុភាពៗមករហូតហើយ" ។

ស្រីស្រស់សាច់ខ្ចី កញ្ញា ស៊ឹម ស្រីមុំ បានលើកឡើងថា នាងពុំមានអារម្មណ៍ខ្មាស់អៀនអ្វីទេ ព្រោះនៅមាត់សមុទ្រ ភាគច្រើន គេ ស្លៀកអ៊ីចឹងបើអ្នកណាគេមិនហ៊ានស្លៀកឈុតហែលទឹក គេក៏ស្លៀកជិតៗទៅ ជាសិទ្ធិរបស់គេតើ ។

នាងគ្មានបំណងចង់បញ្ចេញភាពសិចស៊ីបង្អួតនរណាទេ ការស្លៀកឈុតប៊ីគីនីនេះគឺនាងស្លៀកនៅពេល ទៅ ហែលទឹក សមុទ្រ ពោលគឺក្នុងតែគ្រាដែលនាងប្រើជីវិតឯកជនដើម្បីសប្បាយរីករាយជាមួយនឹងមិត្ដភ័ក្ដិប៉ុណ្ណោះ។

តួរស្រីសម្តែងក្នុងបទចម្រៀងខ្លាចហើយលុយរូបនេះបានបញ្ជាក់ថា ទោះជានាងគ្មានចេតនាបង្អួត ភាពសិចស៊ីទៅកាន់ មហាជនពិតមែនប៉ុន្ដែប្រសិនបើមានអ្នកដឹក នាំរឿងណាមានចំណាប់ អារម្មណ៍លើនាង តម្រូវឱ្យនាងលេងស្ទីលសិច ស៊ី បែបនេះ ឬឈុតស្នេហាក្នុងរឿងណាមួយ គឺនាងអាចធ្វើបាន។

សូមជម្រាបថា តារាសម្ដែង កញ្ញា ស៊ឹម ស្រីមុំ ដែលទស្សនិកជនស្គាល់កាន់តែច្បាស់ ពេលបានសម្ដែងក្នុងបទ «ខ្ញុំខ្លាចហើយ លុយ» របស់តារាចម្រៀង ខេម ។ បច្ចុប្បន្ននេះ នាងត្រូវបានគេមើលឃើញថា តែងបង្ហាញវត្តមាន ក្នុងស្ពតពាណិជ្ជកម្មនានា សម្ដែងក្នុងបទចម្រៀង ខារ៉ាអូខេ និងបង្ហាញម៉ូដតាមបណ្ដាក្រុមហ៊ុន ផលិតផលតូចធំជាច្រើន ដែលធ្វើឲ្យនាងមមាញឹក គួរ សម ក្នុងវិស័យសិល្បៈ ៕

ប្រភព៖ ដើមអម្ពិល

• ស៊ឹម ស្រីមុំ