អ៊ីយ៉ាស់! យូរី និង ប៊ីម៉ូ ចេញបទថ្មីទៀតហើយ ពិតជាកន្ត្រាក់អារម្មណ៍ណាស់ ចាំមើលល្បីខ្លាំងដូចបទ “ចាក់ទឹកដូង” ឬអត់ (មានវីដេអូ)

ភ្នំពេញ៖  ប្រជាប្រិយភាពរបស់កញ្ញា យូរី និងលោកប៊ីម៉ូ ពិតជាមានសន្ទុះកើនឡើងខ្លាំងមែនទែន បន្ទាប់ពីអ្នកទាំងពីរបានសហការគ្នាចេញបទ “ចាក់ទឹកដូង”។ យ៉ាងណាមិញ ថ្មីៗនេះដៃគូចម្រៀងដ៏ល្បីមួយគូនេះ បានចេញ Teaser  ចម្រៀងថ្មីមួយបទទៀតហើយ គឺបទ “ចង់ទៅណា?”។

“ចង់ទៅណា?” ពិតជាកន្ត្រាក់អារម្មណ៍ និងត្រូវចិត្តយុវវ័យ  ដែលនិពន្ធដោយ ប៊ីម៉ូ ផ្ទាល់ រួមជាមួយ J-Pok ផងដែរ។ អ្វីដែលពិសេសជាងនេះទៅទៀតនោះគឺ អត្ថន័យនៃបទចម្រៀងនេះ  នឹងធ្វើឲ្យអ្នកស្តាប់  នឹកឃើញដល់មិត្តភក្តិដែលធ្លាប់ទៅណាមកណាជាមួយគ្នាជាក់ជាពុំខាន។

គួរបញ្ជាក់ដែរថា រហូតមកដល់ពេលនេះ បទ “ចាក់ទឹកដូង” ដែលល្បីខ្លាំងរបស់ កញ្ញា យូរី និង លោក ប៊ីម៉ូ ទទួលបានការទស្សនាក្នុងChannel យូធូបមួយដល់ទៅជាង២០លានដងឯណោះ។  អ៊ីចឹងយើងចាំមើលទាំងអស់គ្នាថាតើបទ “ចង់ទៅណា?” នេះ នឹងល្បីខ្លាំងដែរឬយ៉ាងណា៕

សូមស្តាប់ និងទស្សនា បទ “ចង់ទៅណា?” តាមរយៈវីដេអូ Teaser ខាងក្រោម៖

• យូរី
• ប៊ីម៉ូ
• ចម្រៀង