ជាស្ទាយថ្មីដូចតារាបរទេស? ដេវីត ឥឡូវលាបថ្នាំក្រចក ពណ៌មិនធម្មតា!

ភ្នំពេញ៖ លោក ងួន ចានដេវីត ហៅជីដេវីត ដែលប្រិយមិត្តស្គាល់ថា ជាតារារ៉េប និងជាអ្នកនិពន្ធវ័យក្មេងមួយរូប ដែលចូលចិត្តលេងស្ទាយតុបតែងខ្លួនប្លែកៗ គួរឲ្យចាប់អារម្មណ៍ ដែលជាពិសេសនោះ គឺរាល់ពេលឡើងឆាកម្តងៗ អាចនិយាយថា តារាប្រុសរូបនេះតែងតែ តុបតែងស្ទាយសម្លៀកបំពាក់ខុសប្លែកដាច់ ពីតារាប្រុសដទៃទៀតតែម្តង។ 

រហូតដល់អ្នកគាំទ្រលាន់មាត់ថា៖ «បើមិនប្លែកម៉េចនឹងហៅថា ជីដេវីតទៅ»។

ជាការពិតណាស់ ក្រៅពីម៉ូតសម្លៀកបំពាក់ និងស្ទាយតុបតែងខ្លួនប្លែកៗរបស់លោក ដេវីតហើយ ថ្មីៗនេះអ្នកគាំទ្រក៏ចាប់អារម្មណ៍ឃើញ នូវម៉ូតក្រចកថ្មីរបស់លោក ដែលបានលាបពណ៌ខ្មៅ និងពណ៌ក្រហម គ្រប់ម្រាមដៃទាំង១០តែម្តង។

អាចនិយាយបានប្លែកភ្នែក សម្រាប់អ្នកគាំទ្រ ដែលតារាប្រុសបែរមកលាបពណ៌ក្រចកដូចជាមនុស្សស្រី។ ដោយឡែកបើតាមបរទេសវិញ តារាប្រុសដែលលាបថ្នាំក្រចកបែបនេះ ភាគច្រើនគឺជាតារាចម្រៀងបែបរ៉ក់ ដោយការលាបក្រចកបែបនេះ គឺជារឿងធម្មតាទៅហើយសម្រាប់ពួកគេ៕ 

• ងួន ចាន់ដេវីត
• ម៉ូត
• រូបភាព