ភ្នំពេញ៖ តារាសម្តែងស្រីវ័យក្មេង និងស្រស់សោភា កញ្ញា ម៉ៅ គីមធីតា ក្លាយជាតារាសិចស៊ី និងកំពុងទទួលការគាំទ្រ ក្នុងនាមជាតួសម្តែង ជាច្រើនរឿងបន្តបន្ទាប់ ជាមួយនឹងភាពលេចធ្លោ នូវសម្រស់របស់នាងផងដែរ ។
តារាវ័យក្មេងរូបសម្រស់ម៉ាបេន កញ្ញា ម៉ៅ គីមធីតា បានប្រាប់ភ្នាក់ងារយើងថា ការតែងខ្លួនសិចស៊ី ដោយសារតែខាងអ្នកដឹកនាំ គាត់តម្រូវស្លៀកពាក់សិចស៊ី និងធ្វើជាតួបែបអ្នកមាន ស្រស់ស្អាតបែបនេះក្នុងរឿង មន្តស្នេហ៍លេខា ។ ណាមួយនាងក៏ទទួលបាន តំណែងថតតួរងផង តួឯកផងដូចជាក្នុងរឿង “សង្គ្រាមមរតក” ដូចគ្នាដែរ។ សម្រាប់ការលេងជាតួឯក ឬតួរង និង បែបសិចស៊ីនោះ នាងគិតថាមិនពិបាក សម្រាប់នាងឡើយ ដោយនាងតែងតែខំប្រឹង ចំពោះការងារសម្តែងនេះ។
ទោះជាសិចស៊ីបន្តិច តារាវ័យ១៩ឆ្នាំរូបនេះ បានបន្ថែមថា ប្រឡូកការងារសម្តែង ទើបតែបានមួយឆ្នាំប៉ុណ្ណោះ ប៉ុន្តែបើនិយាយក្នុងពិភាពសិល្បៈ បានរយៈពេល៣ឆ្នាំមកហើយ។ ពីដំបូងឡើយ នាងជាអ្នកបង្ហាញម៉ូដ ដោយមិនទាន់គិតចង់ក្លាយជា តួសម្តែងឡើយ។ រឿងដំបូងដែលបានសម្តែង គឺរឿង “៣០ថ្ងៃ” របស់ផលិតកម្មមហាហង្ស។ នាងបានថតរឿងដូចជារឿង “ព្យុះជីវិតចិត្តអ្នកលេង” “សង្គ្រាមមរតក” និង “មន្តស្នេហ៍លេខា”។
បន្ទាប់ពីមានឈ្មោះ បោះសំឡេង ក្រាស់ក្រែង កញ្ញា ម៉ៅ គីមធីតា បានបញ្ជាក់ដែរថា ពេលនេះឪពុកម្តាយ មិនសូវបារម្ភ និង អាចទុកចិត្តនាង ចំពោះការដើរហើរ និងទៅធ្វើការងារសម្តែង បើទោះនាងកំពុងតែមាន រូបរាងស្រស់ស្អាត និង សិចស៊ី ដែលធ្វើឱ្យបុរសលង់ស្នេហ៍ ជាច្រើននាក់ក៏ដោយ ។ ប៉ុន្តែទោះយ៉ាងណា ក៏អាណាព្យាបាលរបស់នាង នៅតែបារម្ភផងដែរ នៅពេលនាង ចេញទៅធ្វើការងារឆ្ងាយ ឬពេលយប់ព្រលប់ ខណៈនាងពេលនេះមានវ័យ១៩ឆ្នាំ ពេញរូបពេញរាង ជាមួយកេរ្តិ៍ឈ្មោះជាតារាសម្តែង វ័យក្មេងដែលបានតំណែង ក្នុងរឿងល្បីជាបន្តបន្ទាប់ ។
គួររំលឹកថា កាលពីថ្មីៗនេះ ម៉ៅ គឹមធីតា ទើបតែសារភាពថា នាងពិតជាស្រលាញ់គ្នាជាមូយ ហង្ស សម្បើមសក្តិ យ៉ាងពិតប្រាកដ ដោយឡែក នៅក្នុងថ្ងៃជប់លៀង របស់ស្ថានីយ៍ទូរទស្សន៍ប៉ុស្តិ៍លេខ ៥ កន្លងមកនេះ ស្រាប់តែក្រោយមកទៀត ម៉ៅ គឹមធីតា និយាយថា នាងមិនបានស្រលាញ់គ្នា ជាមួយ លោក ហង្ស សម្បើមសក្តិ ទៅវិញ ។ ទោះបីជា ម៉ៅ គឹមធីតា ប្រកែកបែបនេះក្តី តែនៅពេលដែល ត្រឡប់ទៅផ្ទះវិញ គឺនាងបានបណ្តើរ និង កៀកដៃគ្នាជាមួយ លោក ហង្ស សម្បើមសក្តិ ព្រមទាំងជិះរថយន្ត ជាមួយគ្នាយ៉ាងរីករាយទៀតផង៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]