អាមេរិក៖ កំពូលអ្នកប្រយុទ្ធក្នុងទ្រុងដែក UFC កីឡាករ Conor McGregor ត្រូវបានអ្នកកីឡាកាស Big Show ព្រមានថា គេនឹងជួបរឿងពិបាកបំផុតក្នុងឆាកជីវិត នៅពេលដែលគេយល់ព្រមប្រកួតជាមួយ កំពូលអ្នកប្រដាល់មិនដែលចាញ់ Floyd Maywheather ។
គួរបញ្ជាក់ថា ការប្រកួតនេះបានប្រកាសជាផ្លូវការ ដោយអ្នកទាំងពីរ បានចុះហត្ថលេខាយល់ព្រមរៀងៗខ្លួន ហើយការប្រកួតនឹងប្រព្រឹត្តឡើងនៅក្នុងមជ្ឈមណ្ឌល T-Mobile Arena នៃទីក្រុង Las Vegas ថ្ងៃទី២៦ ខែសីហា ឆ្នាំ២០១៧ ខាងមុខនេះ។
Big Show ដែលជាអ្នកកីឡាកាសមកពីស្ថាប័ន WWE បានបញ្ជាក់ឲ្យដឹងថា សំណាងរបស់ McGregor នឹងត្រូវបញ្ចប់នៅថ្ងៃទី២៦ ខែសីហា នេះហើយ។
យោងតាមកិច្ចសម្ភាសន៍ជាមួយ Mirror Sport អ្នកកីឡាកាសទម្ងន់យក្សរូបនេះ បានបន្ថែមទៀតថា « Floyd គឺជាអ្នកប្រដាល់ដ៏អស្ចារ្យមួយរូប ក្នុងប្រភេទទម្ងន់របស់គេ។ ខ្ញុំធ្លាប់បានប្រកួតជាមួយគេម្តងនៅ Wrestlemania ហើយពេលនោះគឺជាពេលវេលាដ៏ល្អមួយដែលខ្ញុំមិនអាចបំភ្លេចបាន» ។
គួររំលឹកផងដែរថា កាលពីឆ្នាំ២០០៨ នៅព្រឹត្តការណ៍ Wrestlemania លើកទី២៤ អ្នកប្រដាល់ Floyd បានចូលខ្លួនមកប្រកួតនៅសង្វៀនកីឡាកាស WWE ហើយកាលនោះ Floyd បានផ្តួល Big Show ទទួលបានជ័យជំនះ ធ្វើឲ្យអ្នកគាំទ្ររាប់មឺុននាក់មានការភ្ញាក់ផ្អើល បើទោះបីវាជាប្រភេទកីឡាកម្សាន្តយ៉ាងណាក៏ដោយ៕
ប្រភព៖ Mirror
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
