ខួបកំណើត ជា វណ្ណារិទ្ធ ឆ្នាំនេះខុសពីសព្វដង ប្តូរពីពិធីជប់លៀង មកសូត្រមន្តឡើងផ្ទះថ្មី

ភ្នំពេញ៖ តារាសម្តែង និងជាពិធីករល្បីឈ្មោះប្រចាំទូរទស្សន៍បាយ័នលោក ជា វណ្ណារិទ្ធ កាលពីម្សិលមិញនេះ បានធ្វើពិធីសូត្រមន្តឡើងផ្ទះថ្មី នៅក្នុងបុរីពិភពថ្មីចំការដូង ក្នុងថ្ងៃខួបកំណើតរបស់ខ្លួន។

តាមហ្វេសប៊ុករបស់អ្នកនាងបេឡា ដែលជាភរិយាលោក ជា វណ្ណារិទ្ធបានប្រាប់ឱ្យដឹងថា៖ 

«ខួបកំណើតតបងឆ្នាំនេះ ខុសពីសព្វដង រាល់ដងយើងជប់លៀង តែឆ្នាំនេះយើងសូត្រមន្តផ្ទះថ្មី»។

ចំណែកឯនៅលើហ្វេសប៊ុករបស់លោក ជា វណ្ណារិទ្ធ ផ្ទាល់វិញក៏បានប្រាប់ដែរថា៖ 

«ខួបកំណើតឆ្នាំនេះ និមន្តព្រះចៅអធិការវត្តព្រះធាតុ សង្កាត់រលួស ខ័ណ្ឌដង្កោ មកសូត្រមន្តលើករាសី និងឡើងផ្ទះថ្មី កាដូឱ្យខ្លួនឯង និងក្រុមគ្រួសារ»។

គួរឱ្យដឹងផងដែរថា ពិធីករ និងតារាសម្តែងសម្បូរប្រជាប្រិយភាពលោក ជា វណ្ណារិទ្ធបានរៀបការជាមួយអ្នកនាង សុភាព មូល្យា ហៅបេឡា អស់រយៈពេលជាច្រើនឆ្នាំមកហើយ និងមានកូនប្រុសគួរឱ្យស្រលាញ់ម្នាក់ ឈ្មោះហ្វេមផងដែរ៕

ទស្សនាកម្រងរូបភាព ក្នុងពិធីសូត្រមន្តលើករាសីផ្ទះថ្មីរបស់លោក ជា វណ្ណារិទ្ធ ដូចខាងក្រោម៖  

• ជា វណ្ណារិទ្ធ
• គ្រួសារ