ភ្នំពេញ: តារាសម្តែងស្រីវ័យ២៣ឆ្នាំមានរូបឆោមសម្ផស្ស គួរឲ្យទាក់ទាញ កញ្ញា ម៉ាក់ សែនសូនីតា ហៅ តូតា ផ្សាយលក់បង្កងទឹកសាបនោះ អ្នកលក់គឺជាសាច់ញាតិទេ ដោយសារគាត់ទើបចាប់ផ្តើមលក់ មិនទាន់មានម៉ូយច្រើន នឹងគេទើបជួយគាត់ និងចង់ចូលហ៊ុនដែរ។
តារាស្រីសាច់ខ្ចីមុខខ្ជូត កញ្ញាតូតា បានឲ្យដឹងថា "តាមពិតទៅ ផ្សាយលក់បង្កងទឹកសាបនោះ អ្នកលក់គឺជាសាច់ញាតិទេ ដោយសារគាត់ទើបចាប់ផ្តើមលក់ មិនទាន់មានម៉ូយច្រើននឹងគេ ហើយក៏ពឹងឲ្យនាងខ្ញុំជួយផ្សព្វផ្សាយតាមហ្វេសប៊ុក ។ គ្រាន់តែចាប់ផ្តើមលក់បានចំនួនបីបួនថ្ងៃសោះ ក៏ស្រាប់តែឮថាមានអ្នកកម្ម៉ង់ទិញច្រើនណាស់នូវបង្កងទឹកសាបនេះតែមិនទាន់មានស្លាកយីហោត្រឹមត្រូវនៅឡើយទេ"។
តារាសម្តែងស្រី រូបស្រស់រាងតូចច្រឡឹងបបូរមាត់សិចស៊ីគួរឲ្យក្នាញ់កញ្ញាតូតា បន្ថែមថា ឥឡូវនេះ គឺមានអ្នកជាវច្រើនណាស់ ហើយនាងខ្ញុំក៏កំពុងតែគិតថា ចង់ចូលហ៊ុនជាមួយគាត់ ដើម្បីពង្រីកការលក់បង្កងនេះ ឲ្យបានធំជាងនេះផងដែរ បន្ទាប់ពីនាងខ្ញុំទទួលបានការអនុញ្ញាតពីម៉ាក់ និងការសិក្សាពីទីផ្សារនៃមុខរបរ មួយនេះជាមុនសិន។ ចំណែកឯយីហោនៃកន្លែងលក់បង្កងនោះ ពុំទាន់បានដាក់ឈ្មោះថាយ៉ាងណាទេ ដោយសារតែគាត់ ជាប់រវល់នឹងការលក់ដូរខ្លាំងពេក ទើបមិនទាន់បានឆ្លៀត រៀបចំលើកប៉ាណូឈ្មោះ។ ចំពោះបង្កងទឹកសាបស្រស់ៗដែលគាត់បានទទួលយក មកលក់ទាំងនេះវិញ ភាគច្រើននាំយកមកពីតំបន់ទន្លេសាប និងខេត្តមួយចំនួននៅតាមដងទន្លេ។ សម្រាប់ការលក់វិញគឺ បង្កងមួយគីឡូលក់តម្លៃត្រឹម ១៥ ដុល្លារ តែប៉ុណ្ណោះ និងមានសេវាកម្មដឹកជញ្ជូនដល់ផ្ទះទៀតផងដែរ ។
សូមជម្រាបថា តារាសម្តែងស្រី រូបស្រស់ដងខ្លួន សិចស៊ីគួរឲ្យក្នាញ់ កញ្ញា ម៉ាក់ សែនសូនីតា ហៅ តូតា ទើបតែដូររថយន្តថ្មីម៉ាកឡិចស៊ីសស៊េរី 450d តម្លៃជាង ១៧ ម៉ឺន ដុល្លារ នាដើមឆ្នាំ ២០១៧ ធ្វើឲ្យផ្អើលទាំងមហាជន និងមិត្តអ្នកសិល្បៈស្រឡាំងកាំង បើកភ្នែកធំៗមុននេះសោះ ឥឡូវក៏ស្រាប់តែលេចចេញ ដំណឹងថ្មីមួយទៀតថា តារាសម្តែង ម៉ូដែលស្រី និងពិធីការិនីទូរទស្សន៍កញ្ញា តូតា បើកជំនួញអាជីវកម្មលក់បង្កង ទឹកសាបកំពុងតែផ្សព្វផ្សាយឡើង កក្រើកពេញហ្វេសប៊ុកតែម្តង៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]