អ្នកណាៗក៏ចង់ឲ្យសក់មានក្លិនក្រអូបភាយដែរ មិនថានារី ឬបុរសទេ ព្រោះជាភាពទាក់ទាញមួយកម្រិតធំ សម្រាប់មនុស្សយើង។
ហេតុនេះហើយយើងនឹងលើកឡើង នូវវិធីធ្វើទឹកអប់សម្រាប់បាញ់សក់ ឲ្យក្រអូបតាមបែបធម្មជាតិ ដែលអ្នកអាចធ្វើបានដោយខ្លួនឯងយ៉ាងស្រួល ទុកសម្រាប់ប្រើប្រាស់ផ្ទាល់ខ្លួន និងមិនចាំបាច់ចំណាយលុយលើផលិតផលមានជាតិគីមីច្រើន តទៅទៀតឡើយ។
# គ្រឿងផ្សំមានដូចជា ៖
• ដបមានមាត់បាញ់បានចំនួនមួយ
• ទឹកចម្រោះ (ទឹកស្អាត) ឬទឹកផ្កាកុលាប ចំនួន ៥២ មីលីលីត្រ
• ជែលប្រទាលកន្ទុយក្រពើ ចំនួនមួយស្លាបព្រាបាយ
• ប្រេងក្រអូប ១០ ដំណក់ឡើងទៅ (អាចរកទិញតាមផ្សារទំនើប ជាពិសេសគួរជ្រើសយក ក្លិនផ្កាម្លិះ ឬក្លិនផ្កាកុលាបក៏បាន)។
# របៀបអនុវត្ត ៖
• បន្តក់ប្រេងក្រអូប លើសាច់ជែលប្រទាលកន្ទុយក្រពើ
• កូរគ្រឿងផ្សំទាំងពីរខាងលើឲ្យសព្វសាច់ (ឲ្យចេញជាល្បាយរាវ)
• ចាក់ទឹកស្អាតចូលល្បាយខាងលើ (ឬប្រើទឹកផ្កាកុលាបក៏បាន) រួចកូរឬក្រឡុកឲ្យសព្វចូលគ្នា
• ចាក់ល្បាយដែលកូរ ឬក្រឡុករួចនោះចូលទៅក្នុងដបដែលមានមាត់បាញ់
• ក្រឡុកម្តងទៀត រួចទុកប្រើការ តាមតម្រូវការជាការស្រេច។
មុននឹងប្រើអ្នកត្រូវក្រឡុកជាមុនសិន សឹមបាញ់ពាសពេញផ្ទៃសក់ (ទោះសក់ស្ងួតឬសើម ក៏អាចប្រើបានដូចគ្នា) រួចយកក្រាសមកសិតតាមធម្មតា ជារៀងរាល់ថ្ងៃជាការស្រេច។ ទឹកអប់បាញ់សក់មួយនេះ មិនត្រឹមតែជួយឲ្យសក់មានក្លិនក្រអូបប្រហើរប៉ុណ្ណោះទេ វាថែមទាំងអាចជួយឲ្យសក់មានសភាពទន់ ភ្លឺរលោង និងការពារការបំផ្លាញសរសៃសក់ ពីកាំរស្មីព្រះអាទិត្យថែមទៀត៕
ប្រភព៖ The Indian Spot
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]