រាជធានីភ្នំពេញ ៖ លោកសៅ ឧត្តម ល្បីឈ្មោះក្នុងនាមជាអ្នកចម្រៀងតែបានបន្ថែមអាជីពសម្តែងភាពយន្តថែមទៀត ។ សម្រាប់អ្នកគាំទ្ររបស់លោកសៅ ឧត្តម អបអរសាទរដោយលោកចាប់អាជីពសម្តែងបន្ថែមលើអាជីពច្រៀង ។
លោកសៅ ឧត្តម បានសម្តែងឱ្យផលិតកម្មអិលឌីដោយព្រមព្រៀងគ្នារួចហើយ ។ សម្បុរខ្មែរស្រអែម រាងខ្ពស់ មុខមាត់បែបខ្មែរ ជាចំណុចពិសេសធ្វើឱ្យសៅឧត្តម ទាក់ទាញផលិតករទាក់ទងយកចូលរួមសម្តែងភាពយន្ត ។
លោកសៅ ឧត្តម និយាយថា៖ «និយាយទៅអត់មានចង់បោះបង់អីទេសម្រាប់ចម្រៀងនៅតែច្រៀងដដែល គឺចាប់ទាំង២ ។ ខ្ញុំស្រលាញ់ទាំង២ហ្នឹង ហើយបើអាចរីកចម្រើនទាំងពីរមែនកាន់តែប្រសើរឡើង» ។
តារាចម្រៀងលោកសៅ ឧត្តម អះអាងដូច្នេះគ្រាដែលលោកទើបចុះកិច្ចសន្យាជាមួយផលិតកម្ម LD Picture រយៈពេល ៣ឆ្នាំកាលពីពេល ថ្មីៗកន្លងមក ។ បន្ទាប់ពីចុះកិច្ចសន្យារួចមកម្ចាស់ផលិតកម្មលោកលៀក លីដា បានឱ្យលោកសៅ ឧត្តម ចូលរួមសម្តែងភាពយន្ត៣ទៅ៤រឿង ហើយថែមទាំងមានឱកាសច្រៀងឱ្យផលិតកម្មទៀតផង ។ ប្រការបែបនេះហើយធ្វើឱ្យលោកសៅ ឧត្ដម សប្បាយរីករាយ ។ លោកសៅ ឧត្តម ជឿជាក់ថា ការបោះជំហានចូលអាជីពសម្ដែងអាចនឹងធ្វើឱ្យប្រជាប្រិយភាពរបស់ខ្លួនកើនខ្ពស់មួយកម្រិតទៀត ។
ទន្ទឹមនឹងក្ដីសប្បាយរីករាយចំពោះអ្វីដែលម្ចាស់ផលិតកម្ម LD Picture ផ្ដល់ឱ្យនេះលោកសៅ ឧត្ដម ប្ដេជ្ញាចិត្តប្រឹងប្រែងសម្ដែងឱ្យល្អ កសាងកេរ្តិ៍ឈ្មោះក្នុងពិភពសិល្បៈ ។ ទន្ទឹមនេះលោកស្នើទស្សនិកជន និងអ្នកគាំទ្រជួយគាំទ្រស្នាដៃភាពយន្តរបស់លោកដែលនឹងចេញផ្សាយនាពេលដ៏ខ្លីខាងមុខនេះ ។
លោកសៅ ឧត្តម ជាបេក្ខជនចូលរួមប្រលងក្នុងកម្មវិធី «ប្រលងចម្រៀងខេមបូឌានអាយដលនារដូវកាលទី១ ដែលឡើងដល់វគ្គចុងក្រោយ ។
លោកសៅ ឧត្តមល្បីឈ្មោះតាមរយៈកម្មវិធីនោះ ហើយបច្ចុប្បន្នកសាងខ្លួនជាតារាសម្តែងទៀត» ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
