បើនិយាយពីខ្នើយកើយ មនុស្សយើងភាគច្រើន ហាក់ដូចជាមិនសូវយកចិត្តទុកដាក់បោកសម្អាតប៉ុន្មានទេ ដោយគិតថាវាពិបាកបោកសម្អាត និងមិនប្រឡាក់ដូចជាស្រោមខ្នើយឡើយ។ ប៉ុន្តែជាក់ស្តែង ខ្នើយកើយទាំងនោះ ពោរពេញទៅដោយធូលីដី ក្អែល ញើស បាក់តេរី និងមេរោគអាឡែហ្ស៊ីជាច្រើន។
ហេតុនេះហើយ ទើបបានជាថ្ងៃនេះ យើងនឹងលើកឡើងពីតិចនិកបោកសម្អាតខ្នើយកើយ របស់អ្នក ដោយមានជំនួយពីម៉ាស៊ីនបោកខោអាវ ឲ្យមានសភាពសភ្លឺចែងចាំង និងស្អាតល្អ បានយ៉ាងងាយ ដូចខាងក្រោមនេះ ៖
# អ្វីដែលអ្នកត្រូវការ
មុននឹងអ្នកដាក់ខ្នើយកើយចូល ក្នុងម៉ាស៊ីនបោកខោអាវ អ្នកត្រូវដាក់គ្រឿងផ្សំទាំងនេះ ចូលក្នុងប្រអប់ដាក់សាប៊ូជាមុនសិន ៖
• សាប៊ូបោកខោអាវ (សាប៊ូម្សៅ ឬសាប៊ូទឹកក៏បាន) ចំនួន ១ ស្លាបព្រាបាយ
• ម្សៅ Baking soda ចំនួនកន្លះស្លាបព្រាបាយ
• ទឹកអូសាវែល ចំនួន ១ ស្លាបព្រាបាយ
• សាប៊ូលាងចាន ចំនួន ១ ស្លាបព្រាបាយ។
# របៀបអនុវត្ត
ដំបូងបង្អស់ អ្នកត្រូវតែពិនិត្យមើលថា ខ្នើយកើយរបស់អ្នក ជាប្រភេទខ្នើយដែលអាចបោកបានឬក៏អត់សិន មុននឹងចុចដំណើរការម៉ាស៊ីនបោកខោអាវ។ ខ្នើយកើយភាគច្រើន អាចបោកសម្អាតបាន ប៉ុន្តែក៏មានខ្នើយកើយមួយចំនួនតូច មិនអាចយកបោកសម្អាតបាននោះទេ។
គួរបញ្ជាក់ផងដែរថា ក្នុងករណីដែលមានស្រោមខ្នើយពីក្រៅ អ្នកត្រូវតែដោះវាចេញ។ ប៉ុន្តែប្រសិនបើអ្នកចង់ធ្វើការបោកសម្អាតទាំងស្រោមខ្នើយ និងខ្នើយកើយ អ្នកអាចដាក់វាបោកចូលជាមួយគ្នាបាន តែត្រូវធានាថា ដោះស្រោមខ្នើយចេញពីខ្នើយកើយចេញពីគ្នាផង៕
ប្រភព៖ The Indian Spot
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]