ភ្នំពេញ៖ មុននេះបន្តិច តារាសម្តែងស្រី កញ្ញា តូតា ទំនងដូចជាខឹងអ្នកណាម្នាក់ រហូតដល់ទៅបង្ហោះសារ តាមទំព័រហ្វេសប៊ុករបស់នាងផ្ទាល់។
កញ្ញា តូតា បានសរសេរថា «ដឹងថាអ្នកស្គាល់ខ្ញុំជាតារា…ប៉ុន្តែអ្នកស្គាល់ខ្ញុំច្បាស់ទេ អ្នកជិតស្និទ្ធនឹងខ្ញុំរាល់ថ្ងៃអត់…? អ្នកធ្លាប់បាននិយាយលេងជាមួយខ្ញុំអត់…? ក៏គ្រាន់តែឃើញពីចំងាយ រឺក៏ឃើញនៅក្រៅដោយភាពចៃដន្យទើបបានជាវាយតំលៃតែសំបកក្រៅបែបនេះ…? សូមមេត្តាត្រិះរិះ ឲ្យបានល្អិតល្អន់មុននឹងគិតទៅលើអ្នកដែលមិនល្អ…តិចថ្ងៃក្រោយគេមែនចឹង ប្រយ័ត្នខ្មាស់ខ្លួនឯងនៅគំនិតអវិជ្ជមានរបស់ខ្លួន»។
ក្នុងនោះដែរ អ្នកគាំទ្រ ក៏ព្យាយាម សាកសួរនាងផងដែរថា អ្នកណាគេ ដែលធ្វើឲ្យនាង ខឹងរហូតបង្ហោះសារបែបនេះ។ ប៉ុន្តែទោះជាយ៉ាងណា នាង មិនបានបញ្ជាក់ជាអ្នកណានោះឡើយ។
គួររំលឹកផងដែរ កញ្ញា តូតា ជាតារាម្នាក់ មិនសូវទម្លាយអារម្មណ៍ខ្លួនឯងប៉ុន្មាននោះទេ ទាល់តែពេលណា នាងអត់ទ្រាំមិនបាន ទើបនាងបង្ហាញ និងប្រាប់មហាជន។
នាពេលបច្ចុប្បន្ន កញ្ញា តូតា កំពុងតែ មានប្រជាប្រិយភាពខ្លាំង ពីសំណាក់អ្នកគាំទ្រជាច្រើន ហើយថ្មីៗនេះ នាងក៏បានថតស្ពតមួយឲ្យក្រុមហ៊ុនថៃ ជាមួយនឹង កំពូលតារាប្រុសថៃ Mark Prin ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
