បញ្ហាកើតមុន អាចបន្សល់ទុកនូវស្នាមអុជខ្មៅ និងស្នាមសន្លាកជាច្រើន ដែលមានការលំបាកខ្លាំងក្នុងការកម្ចាត់វាចេញ។
ប៉ុន្តែ សូមអ្នកកុំបារម្ភអី ថ្ងៃនេះយើងនឹងលើកឡើងពីវិធីកម្ចាត់ស្លាកស្នាមទាំងនោះចេញពីផ្ទៃមុខ តាមបែបធម្មជាតិ និងមានប្រសិទ្ធភាពខ្ពស់ ដោយគ្រាន់តែប្រើ “ដំឡូងបារាំង” ប៉ុណ្ណោះ។ វាមិនត្រឹមតែអាចជួយកម្ចាត់ស្នាមអុជខ្មៅ និងសន្លាកបានប៉ុណ្ណោះទេ វាថែមទាំងជួយឲ្យស្បែកប្រែជា ស និងភ្លឺរលោងទៀតផង។
# គ្រឿងផ្សំ មានដូចជា ៖
• ដំឡូងបារាំង ដែលឈូស ឬកិនម៉ដ្ឋហើយចំនួន ១ ស្លាបព្រាបាយ
• យ៉ាអួ ចំនួន ១ ទៅ ២ ស្លាបព្រាបាយ
• ម្សៅអង្ករ ១ ស្លាបព្រាបាយ។
# របៀបអនុវត្ត ៖
• ដាក់ដំឡងបារាំងដែលឈូស ឬកិនរួចចូលក្នុងកូនចានមួយ រួចបន្ថែមយ៉ាអួ ១ ទៅ ២ ស្លាបព្រាបាយ និងម្សៅអង្ករចូល ១ ស្លាបព្រាបាយ (ប្រសិនបើស្បែកមុខរបស់អ្នកស្ងួត អ្នកអាចបន្ថែមទឹកឃ្មុំបន្តិចបាន)
• កូរឲ្យសព្វ ហើយប្រសិនបើល្បាយមានសភាពស្ងួតពេក អ្នកអាចដាក់យ៉ាអួបន្ថែមចូល
• បន្ទាប់មក យកវាមកលាបឲ្យសព្វពាសពេញផ្ទៃមុខ ប៉ុន្តែចៀសវាងបរិវេណភ្នែក
• ទុកចោលរយៈពេល ៣០ នាទី
• ៣០ នាទីក្រោយ យកម្រាមដៃធ្វើការម៉ាស្សាស្រាលៗលើមុខ ដើម្បីឲ្យវាជ្រាបចូលស្បែកបានល្អ រយៈពេល ៣ ទៅ ៤ នាទី សឹមលាងទឹកសម្អាតចេញ
• ជូតមុខឲ្យស្ងួតថ្នមៗ ព្រមទាំងអាចលាបផលិតផលផ្តល់សំណើមដល់ផ្ទៃមុខបន្ថែម ជាការស្រេច។
អ្នកអាចអនុវត្តវិធីនេះ ញឹកញាប់តាមដែលអ្នកចង់ ដើម្បីទទួលបានលទ្ធផលជាទីគាប់ចិត្ត យ៉ាងឆាប់រហ័ស។
# អត្ថប្រយោជន៍ ៖
• ដំឡូងបារាំង មានផ្ទុកវីតាមីន A វីតាមីន C និងវីតាមីន B ដែលអាចជួយទប់ស្កាត់ភាពចាស់ ការពារស្នាមជ្រួញ និងសាច់ធ្លាក់បាន។
• វាជាឱសថធម្មជាតិ ក្នុងការជួយរក្សាសុខភាពស្បែកមុខ ជាពិសេសគឺ ជួយបំបាត់ស្នាមអុជខ្មៅ និងសន្លាកបាន។
• វាក៏មានអង់ហ្ស៊ីម ជួយប្រែពណ៌ស្បែករបស់អ្នក ឲ្យប្រែជាស និងមានពន្លឺ ទៀតផង។
• សម្រាប់ ម្សៅអង្ករវិញ ជាគ្រឿងផ្សំងាយជ្រាបចូលស្បែក និងជួយជម្រុះកោសិកាស្បែកចាស់ និងប្រែស្បែកមុខរបស់អ្នក ឲ្យមានភាពក្មេងជាងវ័យ។
• រីឯ យ៉ាអួវិញ ជួយកម្ចាត់ជាតិខ្លាញ់លើផ្ទៃមុខ និងការពារការឡើងមុនមកវិញ៕
ប្រភព៖ The Indian Spot
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]