ភ្នំពេញ៖ តើមានដឹងទេថា តារាចម្រៀងស្រីនិយមលេងខ្លួន បែបបរទេស កញ្ញា ទេព បូព្រឹក្ស ក្នុងការប្រគុំតន្ត្រីមួយលើកៗ ត្រូវការចំណាយលើ សម្លៀកបំពាក់ថ្មីអស់ប៉ុន្មាន?
តារាចម្រៀង កញ្ញា ទេព បូព្រឹក្ស ត្រូវបានគេចាត់ចូលជាតារា ចម្រៀងដែលនិយម លេងក្បាច់រាំ និងស្លៀកពាក់ប្លែកៗ។ សំលៀកបំពាក់របស់នាង ត្រូវគេលើកឡើងថា មានតម្លៃថ្លៃ និងច្នៃបានស្រស់ស្អាត។ក្នុងការប្រគុំតន្ត្រីមួយលើកៗ នាងត្រូវការត្រៀមសម្លៀកបំពាក់ថ្មីមិនក្រោមបីឈុតទេ។
តារាចម្រៀងដែលនិយម លេងក្បាច់រាំ និងស្លៀកពាក់ប្លែកៗ ទេព បូព្រឹក្ស បានលើកឡើងថា សម្លៀកបំពាក់របស់នាងពេលខ្លះ អាចមានដល់៥០០ដុល្លារអាមេរិក ឬលើសជាងនេះបន្តិចដូចជាអាវបែបរោមសត្វជាដើម។ នាងថាការចំណាយ សម្រាប់សម្លៀកបំពាក់របស់នាងឡើងខ្ពស់ បូករួមទាំងការច្នៃសម្លៀកបំពាក់ សម្រាប់ក្រុមរាំក្តី។
តារាចម្រៀងរូបនេះបញ្ជាក់ដែរថា ក្រុមរាំរបស់នាងអាចស្លៀកសម្លៀក បំពាក់ដដែលបានឡើងឆាកបានប៉ុន្តែនាង ជាអ្នកច្រៀងត្រូវធ្វើការផ្លាស់ប្តូញឹកញាប់ ប៉ុន្តែគ្រប់ការឡើងច្រៀងនានាមិនមែនសុទ្ធតែថ្លៃរហូតនោះដែរ ពេលខ្លះនាងនិងក្រុមការងារនាងបានជួយឆ្នៃសម្លៀកបំពាក់ឲ្យនាងកាន់តែ ទាក់ទាញដោយមិនចំណាយថវិកាខ្ពស់។ នាងថាសម្លៀកបំពាក់នាងត្រូវបានបញ្ជាទិញពីបរទេស បូករួមទាំងការច្នៃម៉ូត របស់អ្នកជំនាញក្នុងស្រុកផងដែរ។
ទោះជាយ៉ាងណា នាងមិនបានទូទាត់សរុបទេថា តើក្នុងមួយឆ្នាំៗនាងបានចំណាយលើការស្លៀកពាក់ អស់ចំនួនប៉ុន្មាន។ នាងថាការច្រៀងពិរោះ ក្បាច់រាំរស់រវើក មិនអាចគ្រប់គ្រាន់សម្រាប់តារាចម្រៀងទេគឺ ត្រូវមានការតុបតែង និងស្លៀកពាក់ស្អាត ប្លែកពីតារាចម្រៀងដទៃ។
សូមជម្រាបថា តារាចម្រៀងស្រី និយមលេងខ្លួនបែបបរទេស កញ្ញា ទេព បូព្រឹក្ស បញ្ជាក់ពីការល្បីទិញផ្ទះវីឡាកូនកាត់ តម្លៃជាង១សែនដុល្លារ គឺជាប្រាក់ខ្លះបាន ពីការសន្សំបានពីការងារសិល្បៈរបស់ខ្លួន និងប្រាក់មួយចំនួនធំ គឺជារបស់ប៉ាម៉ាក់ ចំណែកលុយទិញឡាន បានពីសន្សំក្នុងការងារសិល្បៈ ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
