ភ្នំពេញ៖ លោក អុិត សេដ្ឋា ដែលជាពិធីករដ៏មានប្រជាប្រិយមួយរូប ប្រចាំស្ថានីយ៍ទូរទស្សន៍ CTN និងមានមនុស្សជាច្រើនបានស្គាល់ នាពេលនេះ បានធ្លាក់ខ្លួនឈឺ។
នេះបើតាមបណ្ដាញសង្គមហ្វេសប៊ុក អតីតតារាចម្រៀងលោក ហេង ប៊ុនលាភ ដែលថ្មីៗនេះកំពុងតែល្បីរឿង ប្តូររថយន្តថ្មី តម្លៃកប់ពពកនោះ បានឲ្យដឹងតាមរយៈការបង្ហោះរូបភាពប៉ុន្មានសន្លឹកថា «ថ្ងៃនេះមកទូរទស្សន៍CTN បានជួបបងអុិត សេដ្ឋា គាត់បានធ្លាក់ខ្លួនឈឺ ស្គមស្គាំង និងប៉ោងពោះ...ឥឡូវប្រឈមនិងអាយុជីវិត..»
យ៉ាងណាមិញ លោកហេង ប៊ុនលាភ ក៏ពុំបានបញ្ជាក់ពីជំងឺពិតប្រាកដរបស់លោក អុិត សេដ្ឋា នោះទេ តែទោះជាយ៉ាងណា ក្រោយពីការបង្ហោះនេះ មានបងប្អូននៅក្នុងហ្វេសប៊ុកជាច្រើននាំគ្នាសម្ដែងភាពអាណិតអាសូរ និងសួរដេញដោលពីអាការជំងឺលោកអុិត សេដ្ឋា។
ខ្មែរឡូត នឹងធ្វើការចុះផ្សាយជាបន្ដបន្ទាប់ ប្រសិនជាទទួលបានព័ត៌មានបន្ថែមទាក់ទងនឹងអាការជំងឺលោកអុិត សេដ្ឋា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]