ភ្នំពេញ៖ ខ្សែបម្រើការពាររបស់ក្លិបព្រះខ័នរាជស្វាយរៀង សំអឿន ពិដោរ បង្ហោះសារ ភ្ជាប់ជាមួយរូបភាព នៅលើបណ្តាញសង្គមហ្វេសប៊ុក កាលពីយប់មិញនេះ ពិតជាធ្វើឲ្យ កីឡាការិនីហែលទឹក ហែមថុន វិទីនី រំភើបចិត្តមិនស្ទើរទេ ហើយថែមទាំងទទួលបានការសាទរពីមហាជន និងអ្នកគាំទ្រថែមទៀត។
សំអឿន ពិដោរ បានបង្ហោះសារនៅក្នុងគណនីហ្វេសប៊ុកយ៉ាងដូច្នេះថា «បងគ្មានសំភារះនិយមដូចគេទេអូន បងមានត្រឹមតែម៉ូតូស្មោះស្នេហ៏មួយនេះទេសំរាប់ដឹកអូនដោយស្នាមញញឹម ត្រូវចាំថាទឹកលុយវាមិនអាចថិតថេរដូចទឹកចិត្តទេ» ។
គួរបញ្ជាក់ឲ្យដឹងថា កីឡាកររបស់ក្លិបព្រះខ័នរាជស្វាយរៀងរូបនេះ បានប្រកាសពីទំនាក់ទំនងស្នេហា និងដំណឹងភ្ជាប់ពាក្យជាមួយ កីឡាការិនីហែលទឹក ហែមថុន វិទីនី កាលពីថ្ងៃអាទិត្យកន្លងទៅ ធ្វើឲ្យអ្នកគាំទ្រជាច្រើនបាត់មន្ទិលសង្ស័យ និងមានការភ្ញាក់ផ្អើល មិនតែប៉ុណ្ណោះ ពួកគេទាំងពីរ ក៏ទទួលបាន ការជូនពរ និងការអបអរសាទរពីសំណាក់អ្នកគាំទ្រផងដែរ។
ដោយឡែក ក្រឡេកមកមើល អត្តពលិកហែលទឹក ដែលជាម្ចាស់មេដាយមាសកីឡាជាតិ ហែមថុន វិទីនី វិញម្តង ដោយកាលពីម្សិលមិញនេះ ក៏បានបង្ហោះសារមួយរៀបរាប់ពីជីវិតជាកីឡាការិនីហែលទឹកផងដែរ ក្នុងនោះ នាងបានបញ្ជាក់ថា អ្នកគាំទ្រស្គាល់រូបនាងក៏ដោយសារតែអាជីពហែលទឹកនេះដែរ។
វិទីនី បានបញ្ជាក់យ៉ាងលម្អិតថា «គ្មានអ្នកណាស្រលាញ់មនុស្សស្រីស្មាបើក សាច់ដុំធំទេ តែដឹងអត់ថា ហាត់ទំរាំបានប៉ុណ្ណឹងជិត20ឆ្នាំហីយ តែខ្ញុំមិនដែរគិតថាស្តាយក្រោយជាមួយហ្នឹងការជ្រើសរើសមួយនេះទេ អ្នកទាំងអស់គ្នាស្គាល់ខ្ញុំក៏ដោយសារតែវា» ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
