ទឹកចិត្តម្តាយ ទោះរវល់យ៉ាងណា សុខ សោម៉ាវត្តី ក៏មិនភ្លេចនាំកូនស្រីដើរលេងក្នុង «ទិវាកុមារអន្តរជាតិ»ដែរ!

ភ្នំពេញ៖ នៅក្នុងឱកាសរីករាយអបអរសាទរ «ទិវាកុមារអន្តរជាតិ១មិថុនា» ក្នុងឆ្នាំ២០១៧នេះ តារាសម្តែងស្រីល្បីល្បាញ ពូកែក្រមិចក្រមើមអ្នកនាង សុខ សោម៉ាវត្តី បានចំណាយពេលវេលា នៅជាមួយកូនស្រីជាទីស្រលាញ់តែមួយគត់របស់ខ្លួនយ៉ាងមានក្តីសុខ។

ទោះបីជាមានការងារសិល្បៈ កំពុងតែមានការជាប់រវល់ស្ទើរដកខ្លួនមិនរួចយ៉ាងណាក្តី ក៏អ្នកនាង សុខ សោម៉ាវត្តី​​ បានលះបង់ពេលវេលា ដើម្បីនាំកូនស្រីខ្លួនដើរលេងកម្សាន្ត និងញ៉ាំរបស់ឆ្ងាញ់ៗដែរ នៅក្នុងឱកាសថ្ងៃបុណ្យឈប់សម្រាករយៈពេលមួយថ្ងៃនេះ។

ជាក់ស្តែងកាលពីម្សិលមិញនេះនៅក្នុងបណ្តាញទំនាក់ទំនងសង្គមហ្វេសប៊ុក អ្នកនាង សុខ សោម៉ាវត្តី បានផុសរូបភាពនាំកូនស្រីទៅញ៉ាំអាហារនៅខាងក្រៅ ព្រមទាំងប្រាប់ដូច្នេះថា៖ 

«Happy children's day ... ចំណាយពេលកន្លះថ្ងៃជាមួយគាត់ ចង់ប្រាប់ថា វិលមុខខ្លាំង ព្រោះរពិសហើយនិយាយច្រើនណាស់ តែក៏មានក្ដីសុខ .... ma jasmine ma lymtics»។

ពិតជាគួរឱ្យសរសើរណាស់ នេះហើយទឹកចិត្តម្តាយ ទោះជារវល់យ៉ាងណាក៏មិនភ្លេចផ្តល់សុភមង្គលឱ្យកូនស្រីជាទីស្រលាញ់របស់ខ្លួនដែរ៕

ទស្សនាកម្រងរូបភាពអ្នកនាង សោម៉ាវត្តី និងកូនស្រី ចាស្មីន ដូចខាងក្រោមនេះ៖   

• សុខ សោម៉ាវត្តី
• គ្រួសារ