ឈិន ច័ន្ទសុធារី ជួបទុក្ខផ្ទួនៗ ត្រូវគេជិះបុកឡានខ្លួនទៀត បណ្តាលឱ្យខូចខាតមិនស្ទើរ តែមិនទារសំណង!

ភ្នំពេញ៖ រឿងរ៉ាវជីវិតស្នេហាមិនសមប្រកបរបស់អតីតពិធីការិនី និងតារាសម្តែងអ្នកនាង ឈិន ច័ន្ទសុធារី និងលោក សុវណ្ណ មករា ជាស្វាមី កំពុងតែក្លាយទៅជាប្រធានមួយដ៏ក្តៅ ដែលបានទាញចំណាប់អារម្មណ៍មហាជនជាច្រើននាក់ ជាពិសេសគឺអ្នកលេងបណ្តាញសង្គមហ្វេសប៊ុកតែម្តង។

មួយលើកជាពីរលើក ពិតជាអាណិតអតីតពិធីការិនី អ្នកនាង ឈិន ច័ន្ទសុធារី ណាស់ ដែលចប់ពីរឿងមួយចូលរឿងមួយ ព្រោះថ្មីៗនេះនាងត្រូវស្រីស្នេហ៍ថ្មីមួយទៀតរបស់ស្វាមី ថាដៀលឱ្យទៀត។

ហើយស្រាប់តែម្សិលមិញនេះ ពេលធ្វើដំណើរទៅចូលរួម ពិធីខួបកំណើតតារាសម្តែងអ្នកនាង លី ម៉ារីណា ក៏បានជួបរឿងស៊យ ដោយមានគ្រោះថ្នាក់ចរាចរណ៍ត្រូវម៉ូតូក្មេងស្ទាវបើកបុករថយន្ត បណ្តាលឱ្យខូចខាតផ្ទៃខាងមុខទាំងស្រុង។ 

ប៉ុន្តែអ្នកនាង សុធារី មិនបានទារថ្លៃសំណងអ្វីទាំងអស់ ព្រោះភាគីម្ខាងទៀតបានប្រាប់ថាគ្មានលុយសង ហើយក៏បាននិយាយពាក្យសុំទោសតែមួយម៉ាត់តែប៉ុណ្ណោះហើយក៏ទៅបាត់។

តើពិតជាសំណាងអាក្រក់ ឬមកពីអ្វីបានជាអ្នកនាង ឈិន ច័ន្ទសុធារី ចេះតែជួបរឿងមិនល្អដូច្នេះ? 

• ឈិន ច័ន្ទសុធារី
• ឡាន