មួយឃ្លារបស់ ឈីន រតនៈ ធ្វើឲ្យអ្នកគាំទ្ររំជួលចិត្ត ពេលនិយាយទៅកាន់អ្នកម្តាយ!

ភ្នំពេញ៖ តារាចម្រៀងស្រី កញ្ញា ឈីន រតនៈ ចំពោះការងារសិល្បៈនាពេលបច្ចុប្បន្ន កំពុងតែដើរទៅមុខជារឿយៗ ដោយតាមរយៈការចេញនូវបទចម្រៀងថ្មីៗពីខាងផលិតកម្ម រស្មីហង្សមាស ក៏ដូចជាមមាញឹកជាមួយនឹងការច្រៀងតាម កម្មវិធីនានាជាដើម។

ដោយឡែក ក្រឡេកមកជីវិតគ្រួសារនាងវិញម្តង បើយោងតាមការបង្ហោះនាពេលថ្មីៗនេះ របស់កញ្ញា ឈីន រតនៈ នៅលើ គណនីហ្វេសប៊ុករបស់នាង បានឲ្យឃើញថា ម្តាយរបស់នាងកំពុងតែឈឺដោយសារជំងឺច្រើនមុខ និងកំពុងតែគេងសម្រាកនៅក្នុងមន្ទីរពេទ្យ ដើម្បីរង់ចាំការតាមដានអាការៈពីគ្រូពេទ្យផងដែរ។

យ៉ាងណាមិញ សាររបស់ ឈីន រតនៈ បានធ្វើឲ្យអ្នកគាំទ្ររបស់នាង រំជួលចិត្តជាខ្លាំង ដោយក្នុងនោះនាងបានសរសេរថា ៖«បើកូនអាចឈឺជំនួសម៉ែបាន កូនមិនអោយម៉ែឈឺពិបាកបែបនេះទេ» ព្រមជាមួយនឹងរូបថតរបស់អ្នកម្តាយ ដែលកំពុងគេងនៅលើគ្រែ ដែលធ្វើឲ្យអ្នកគាំទ្រអាណិតអ្នកមីងខ្លាំងមែនទែន។

គួរឲ្យដឹងថា ម្តាយរបស់តារាចម្រៀងរូបនេះ មានជំងឺប្រចាំកាយជាច្រើនមុខដូចជា ពោះវៀនដុះខ្នែង លើសឈាម និងទឹកនោមផ្អែម ដែលធ្វើឲ្យរាងកាយរបស់គាត់ចុះអន់ខ្សោយ មិនសូវមានកម្លាំងនោះទេ។

បន្ថែមពីនេះក៏មានអ្នកគាំទ្រជាច្រើននៅលើបណ្តាញសង្គម បានសរសេរជាសារជូនពរឲ្យម្តាយរបស់កញ្ញា ឆាប់ជាសះស្បើយពីជំងឺក្នុងពេលឆាប់ៗនេះផងដែរ៕    

• ឈីន រតនៈ
• គ្រួសារ
• ជំរុញទឹកចិត្ត