ភ្នំពេញៈ ស្រីស្អាតរូបស្រស់ កញ្ញា សុខ ពិសី និយាយថា រឿងស្នេហាត្រូវការមើលចិត្តគ្នាយូរថែមទៀតដូចដែលបង ឆាយ វីរៈយុទ្ធ ចឹង ៧ឆ្នាំទើបសម្រេចចិត្តរៀបការ ចៀសវាងមានវិប្បដិសេរីទៅថ្ងៃក្រោយ។
តារាចម្រៀងស្រីឈានមុខរបស់ផលិតកម្មសាន់ដេរូបនេះប្រាប់ថា “ទៅមុខតិចទៀតក៏មិនទាន់យឺតពេលដែរសម្រាប់ខ្ញុំ ព្រោះអីខ្ញុំចង់យកពេលហ្នឹងមកពង្រឹងការងារសិល្បៈសិន។ ខ្ញុំសុំពេលវេលាតិចសិន ហើយរឿងគូស្រករហ្នឹងមិនមែនចេះតែយកទេ ត្រូវការមើលចិត្តគ្នាយូរថែមទៀតដូចដែលបង ឆាយ វីរៈយុទ្ធ ចឹង ៧ឆ្នាំទើបសម្រេចចិត្តរៀបការ”។
ស្រីស្អាត សុខ ពិសី បន្តថា សប្បាយចិត្តនៅពេលឃើញតារាមច្រៀងរួមទ្រនំរៀបមង្គលការ។ យ៉ាងណាកញ្ញាអះអាង ជីវិតអាពាហ៍ពិពាហ៍គឺត្រូវប្រើពេយយូរបន្តិចដើម្បីមើលលចិត្ត ធ្វើយ៉ាងណាចៀសវាងមានវិប្បដិសេរីទៅថ្ងៃក្រោយ។កញ្ញាចង់យកពេលវេលានេះមកគិតរឿងសិល្បៈ និងស្វែងរកស្ទិលថ្មី ប្លែកសម្រាប់អ្នកគាំទ្រ ដោយទុករឿងគូស្រករទៅថ្ងៃក្រោយ។ ទាំងនេះមិនមែនមានន័យថា នាងមិនទាន់គិតរឿងស្នេហាឡើយ ប៉ុន្តែនាងចង់ឲ្យសិល្បៈដើរខ្លាំងទៅមុខសិន មុននឹងឈានដល់រឿងអាពាហ៍ពិពាហ៍។
ទោះយ៉ាងណា បុរសដែលប៉ងរៀបការ គឺជាបុរសសាមញ្ញ មានក្រមិនថ្វី និងចេះយល់ចិត្តគ្នា អធ្យាស្រ័យគ្នាទៅវិញទៅមក គឺជាអ្វីដែល សុខ ពិសី ប្រាថ្នា ប្រសិនបើអាពាហ៍ពិពាហ៍កើតឡើងនៅពេលខាងមុខ។
សូមជម្រាបថា កញ្ញា សុខ ពិសី ទើបត្រឡប់មកពីសម្ដែងនៅប្រទេស ជប៉ុន ដោយទទួលបានជោគជ័យជាខ្លាំងទាំងកញ្ញានឹងស្មានមិនដល់។ តារាចម្រៀងរូបនេះកំពុងរៀបចំចម្រៀងថ្មី ស្ទិលរាំប្លែកៗជាច្រើនដើម្បីទាក់ទាញការគាំទ្រពីទស្សនិកជន ដោយសុំព្យួររឿងស្នេហាទុកមួយរយៈ៕
ប្រភព៖ Lookingtoday
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
