រាជធានីភ្នំពេញ ៖ កាលពីព្រឹកថ្ងៃទី២៦ ខែឧសភា ឆ្នាំ២០១៧ នេះលោក សុវណ្ណ រិទ្ធី ហៅលោកតាវ៉ិចទ័រ ដែលជាប្រធានផលិតកម្មវិធី ប្រចាំនៅទូរទស្សន៍ CTN បានប្រគល់ថវិកាជាង៥ម៉ឺនដុល្លារ ជូនដល់មន្ទីរពេទ្យគន្ធបុប្ផា ។ លោក សុវណ្ណ រិទ្ធី ហៅលោកតាវ៉ិចទ័រ បានប្រគល់ប្រាក់ចំនួន ៥ម៉ឺនដុល្លារដល់មន្ទីរពេទ្យគន្ឋបុប្ជា ជាការជួយដល់សង្គមលោកតាវ៉ិចទ័រ បានខិតខំរៃអង្គាសជាមួយសិល្បៈករ រហូតបានសម្រេចគោលដៅជួយដល់សង្គម ដែលនេះជាសកម្មភាពមនុស្សធម៌ ថ្មីមួយទៀតរបស់ក្រុមកំប្លែងស៊ីធីអិន ។
នេះជាថវិកាដែលក្រុមការងាររបស់លោក ប្រមូលបានពីការរៃអង្គាសតាមបណ្ដាខេត្ត និងតាមរយៈការចូលរួម ពីសប្បុរសជនកន្លងមក ។ នៅក្នុងវេទិកានោះមានការចូលរួមយ៉ាងច្រើនកុះករពីសំណាក់ តារាកំប្លែងល្បីៗដែលសុទ្ធតែ បានរួមចំណែកដើររៃអង្គាសថវិកាក្នុងយុទ្ធនាការនោះ ។ លោកតាវ៉ិចទ័រនិយាយថា នេះមិនមែនជាលើកទី១នោះទេសម្រាប់ក្រុមលោក ដែលបានប្រមូលលុយ ពីបណ្ដាសប្បុរសជនដើម្បីគន្ធបុប្ផា ដោយលើកទី១ធ្លាប់ប្រគល់ទឹកប្រាក់ ប្រមាណជា២០ម៉ឺនដុល្លារម្ដងរួចហើយ ។
លោកបានពន្យល់ ពីមូលហេតុធ្លាក់ចុះទឹកប្រាក់ សម្រាប់ការប្រគល់លើកនេះថា គឺដោយសារតែលោកបាន បង្វែរឲ្យម្ចាស់ជំនួយដែលធ្លាប់ជួយមុនៗ យកថវិកាមកជូនមន្ទីរពេទ្យដោយផ្ទាល់វិញ ។ លោកក៏បានអំពាវនាវ ឲ្យបន្តសកម្មភាពមួយនេះឲ្យកាន់តែខ្លាំងដើម្បីជាប្រយោជន៍ ដល់មន្ទីរពេទ្យគន្ធបុប្ផាផងដែរ ជាពិសេសតារាដែលមិនទាន់បានរួមចំណែកណាមួយនៅឡើយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]