អង់គ្លេស៖ Chelsea ដែលជាក្លិបជើងឯកលីកកំពូលអង់គ្លេសរដូវកាលនេះ បានសម្រេចចិត្តរំសោយចោលវិញ ក្នុងការធ្វើពិធីដង្ហែពានអបអរ ដើម្បីសម្តែងការគោរព និងក្តីមរណទុក្ខចំពោះជនរងគ្រោះ ដែលបានស្លាប់ក្នុងហេតុការណ៍ភេរវកម្ម បំផ្ទុះគ្រាប់បែក ស្លាប់មនុស្សជាច្រើននាក់ នៅក្នុងទីក្រុង Manchester ប្រទេសអង់គ្លេស កន្លងទៅថ្មីៗនេះ។
បើយោងតាមប្រភពព័ត៌មានបានឲ្យដឹងថា ក្លិបតោខៀវ Chelsea បានសម្រេចលុបចោលកម្មវិធីនេះ ដោយសារតែទទួលបាននូវដំបូន្មានពីក្រុមអាជ្ញាធរសន្តិសុខ ហើយពួកគេបានបញ្ជាក់ថា នេះអាចជាការដាក់បំរាមមួយ ព្រោះហេតុការណ៍ផ្សេងៗទៀតអាចនឹងកើតមានឡើង។
ក្រោយការពិភាក្សាជាមួយក្រុមអាជ្ញាធរសន្តិសុខរួចរាល់ហើយ Chelsea ក៏សម្រេចរំសាយកម្មវិធី ហើយនេះគឺការសម្តែងក្តីមរណទុកទៅកាន់ជនរងគ្រោះដែលបានស្លាប់បាត់បង់ជីវិតផងដែរ ព្រោះបើសិនជាប្រារព្ធកម្មវិធីនេះ វាអាចជាទង្វើមិនសមរម្យមួយ ។
ដោយឡែក ចំពោះក្លិបកាំភ្លើងធំ Arsenal វិញ ក៏សម្រេចលុបចោលការចាក់ផ្សាយបន្តផ្ទាល់វគ្គផ្តាច់ព្រ័ត FA CUP តាមអេក្រង់ LCD នៅក្នុងកីឡដ្ឋាន Emirates Stadium ផងដែរ ក្រោយពីហេតុការណ៍ដ៏តក់ស្លុតនេះបានកើតឡើង ក្នុងប្រទេសអង់គ្លេស។
គួរបញ្ជាក់ថា ក្លិបតោខៀវ Chelsea នឹងត្រូវប៉ះគ្នាជាមួយក្រុមកាំភ្លើងធំ Arsenal ក្នុងការប្រកួតវគ្គផ្តាច់ព្រ័ត FA Cup នៅរាត្រីថ្ងៃអាទិត្យខាងមុខនេះ ហើយក្លិបទាំងពីរក៏ត្រូវពាក់បង់ខ្មៅ ដើម្បីគោរពវិញ្ញាណក្ខ័ន្តដល់អ្នកស្លាប់ មុននឹងការប្រកួតចាប់ផ្តើមផងដែរ៕
ប្រភព៖ Dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]