ខេត្តព្រះវិហារ ៖ មានការភ្ញាក់ផ្អើល និងអាណិតអាសូរខ្លាំង តាមរយៈសេចក្តីរាយការណ៍របស់មណ្ឌលសុខភាពកោះកេរ្តិ៍ ក្រោយពីមានកុមារីអាយុ៥ឆ្នាំម្នាក់ បានរត់ទៅតែម្នាក់ឯងមកដល់មណ្ឌលសុខភាព ដោយនាងស្រែកទ្រហោយំសុំឱ្យគ្រូពេទ្យទៅជួយម្តាយនាង ផង ព្រោះកំពុងឈឺពោះសំរាលកូននៅឯផ្ទះតែម្នាក់ឯង ។
ហេតុការណ៍ដ៏ភ្ញាក់ផ្អើលនេះ បានកើតឡើងកាលពីវេលា១០ និង១៥នាទីព្រឹកថ្ងៃទី២៤ ឧសភា ស្ថិតនៅចំណុចភូមិស្រយង់ជើង ឃុំស្រយង់ ស្រុកគូលេន ខេត្តព្រះវិហារ ។ ទោះបីជាយ៉ាងណា គេមិនទាន់ស្គាល់អត្តសញ្ញាណគ្រួសារខាងលើនេះទេ គ្រាន់តែដឹងថាបុរសនាងតូចគឺជាមនុស្សស្រាស្រវឹង ដោយមិនខ្វល់ពីប្រពន្ធដែលកំពុងឈឺពោះនោះទេ ។
ប្រភពបន្តថា ដោយសារស្មារតីទទួលខុសក្នុងវិជ្ជាជីវៈ និងមនុស្សធម៌ផង ត្រូវបានលោកស្រីប្រធានមណ្ឌលសុខភាព និងបុគ្គលិក បានចុះទៅជួយជាបន្ទាន់ ដើម្បីជួយនាំស្ត្រីរងគ្រោះមកកាន់មណ្ឌលសុខភាព ដើម្បីទទួលការតាមដានថែទាំបន្ត តាមរយៈរថយន្តរបស់លោកស្រីប្រធានផ្ទាល់ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
