អ្នកដើរបង្ហាញម៉ូតលើកម្រាលព្រំក្រហម បញ្ចេញស្នៀតពិសេសៗ ធ្វើឲ្យគ្រប់គ្នាសើចស្ទើរគាំង (មានវីដេអូ)

កូរ៉េខាងត្បូង៖ ជាការពិតណាស់ មានកម្មវិធីធំៗជាច្រើន គេបានក្រាលកម្រាលព្រំក្រហមដើម្បីទទួលអ្នកមានមុខមាត់ធំៗ ដើរចូលទៅក្នុងកម្មវិធីនោះ ក៏ដូចជាដើម្បីឲ្យអ្នកសារព័ត៌មាន ឬអ្នកកាសែតបានថតរូប​ យកទៅចុះជាព័ត៌មានជាដើម ហើយជាទូទៅ គឺគេផ្តោតសំខាន់ទៅលើការស្លៀកពាក់របស់អ្នកចូលរួមទាំងនោះតែម្តង។

ទោះជាយ៉ាងណា នៅពេលថ្មីៗនេះ មាននារីម្នាក់បានយកការដើរលើកម្រាលព្រំក្រហមទៅបង្កើតជារឿងដែលកំប្លែង  និងគួរឲ្យអស់សំណើចទៅវិញ។   អ្នកស្រី Jang Do-yeon អាយុ ៣២ឆ្នាំ ដែលជាតារាកំប្លែងដ៏ល្បីមួយរូបនៅក្នុងប្រទេសកូរ៉េខាងត្បូង បានបង្ហាញក្បាច់កាច់រាងរបស់ខ្លួន នៅចំពោះមុខអ្នកចូលរួម និងកាសែតជាច្រើន ដែលបានធ្វើឲ្យអ្នកបានទស្សនាហើយ ខ្ទប់មាត់មិនជិតគ្រប់ៗគ្នា។

ទោះជាយ៉ាងណា  ការបង្ហាញម៉ូតរបស់អ្នកនាង ហាក់បីដូចជាលើសបន្តិច ដែលតារាម៉ូដែលអាជីពទាំងអស់ មិនដែលពត់ពែនរាងកាយខ្លាំង ដូចជាអ្នកនាងអ៊ីចឹងទេ។ អ្នកមានជំនាញមកពីសាលាសិល្បៈមួយរូបបាននិយាយថា ខ្ញុំមិនយល់សោះថា ហេតុអ្វីបានជាពួកគេចូលចិត្តកាច់រាងបែបនេះ ព្រោះថាការធ្វើបែបនេះមិនបានជួយឲ្យអ្នកទស្សនាមើលឃើញការស្លៀកពាក់របស់គេស្អាតនោះទេ។

ផ្ទុយទៅវិញ អ្នកនាង Jang Do-yeon បានធ្វើឲ្យគ្រប់គ្នាភ្ញាក់ផ្អើលរួចទៅហើយ។ អ្នកនាងនឹងត្រូវបានមនុស្សជាច្រើនចងចាំ ដោយសារតែសកម្មភាព និងរ៉ូបដ៏រឹបបញ្ចេញរាងរបស់អ្នកនាង ។ ពិតជាគួរឲ្យសរសើរ! ពិតជាភ្ញាក់ផ្អើលមែនទែន!

សូមទស្សនាវីដេអូកាច់រាងរបស់អ្នកនាង Jang Do-yeon នៅខាងក្រោម៖

ប្រភព៖ បរទេស

• ម៉ូត
• កំប្លែង
• វីដេអូ