កំពូលអ្នកប្រដាល់ អេ ភូថង រំលឹកបណ្ដំា និងអនុស្សាវរីយ៍ ដែលមិនអាចបំភ្លេចបានរបស់លោកជ័យ ប៊ុនឈឿ កាលនៅមានជីវិត

ភ្នំពេញ៖ អតីតកំពូលអ្នកប្រដាល់កែងឆេះ ជង្គង់ហោះ លោក អេ ភូថង បានរំលឹកអនុស្សាវរីយ៍ ក៏ដូចជាបណ្ដាំមួយចំនួនរបស់ព្រឹទ្ធាចារ្យអាជ្ញាកណ្ដាលលោក ជ័យ ប៊ុនឈឿ កាលលោកនៅមានជីវិតដែលធ្លាប់ធើ្វការជាមួយគ្នា។

តាមរយៈកិច្ចសម្ភាសន៍ជាមួយ PNN លោក អេ ភូថង បានប្រាប់ថា លោកជ័យ ប៊ុនឈឿ តែងតែផែ្ដផ្ដាំឲ្យរូបលោកខិតខំហ្វឹកហាត់ និងប្រកួតឲ្យអស់ពីសមត្ថភាពដើម្បីជាផ្លូវទៅកាន់ភាពជោគជ័យក្នុងអាជីពជាអ្នកប្រដាល់ និងហាមកុំឲ្យខ្លួនដើរលេងច្រើន។ 

គ្រូបង្វឹកថ្នាក់ជាតិដែលនឹងត្រៀមដឹកនាំក្រុមកម្ពុជា ប្រកួតក្នុងព្រឹត្ដិការណ៍ Sea Game ឆ្នាំ២០១៧ បានបន្ដថា ការបាត់បង់ព្រឹទ្ធាចារ្យអាជ្ញាកណ្ដាល ជ័យ ប៊ុនឈឿ គឺជាការបាត់បង់ធនធានក្នុងវិស័យកីឡាប្រដាល់គុនខែ្មរ ព្រោះបុរសវ័យជាង៧០ឆ្នាំរូបនេះ ជាអាជ្ញាកណ្ដាលដែលកាត់ក្ដី សុក្រឹតភាព យុត្ដិធម៌ និងមានឈ្មោះបោះសម្លេងក្នុងវិស័យកីឡាប្រដាល់ថែមទៀតផង។

គួរបញ្ជាក់ផងដែរថា អតីតអាជ្ញាកណ្ដាលរូបនេះទើបទទួលមរណភាពនៅយប់ថ្ងៃទី១១ ឈានចូលថ្ងៃទី១២ ខែឧសភា ឆ្នាំ២០១៧ នៅឯខេត្តបាត់ដំបង ដោយរោគាពាធ៕