ភ្នំពេញៈ ទោះការវិលចូលទ្រនុំចាស់មិនបានមួយឆ្នាំផង តារាចម្រៀងស្រីស្រគត់ស្រគុំ កញ្ញា សុគន្ធ និសា មានបទចម្រៀងថ្មីៗជាច្រើនច្រៀងដែលសុទ្ធតែជាបទសម្រិតសម្រាំង ព្រមទាំងថតខ្សែភាពយន្តភាគថ្មីមួយសម្រាប់ទូរទស្សន៍ហង្សមាសផងដែរគឺរឿង «សិសិររដូវក្នុងបេះដូង»។
បន្ទាប់ពីវិលត្រឡប់ជាថ្មីមកកាន់ផលិតកម្ម ហង្សមាស តារាចម្រៀងសុគន្ធ និសា ចាប់ផ្តើមមានមុខមាត់ជាថ្មី។ មានមុខមាត់ព្រោះតែឱកាសទទួលបានបទចម្រៀងតំណែងតួឯកក្នុងរឿងភាគនិង ធ្វើជាគណកម្មការកម្មវិធីលំដាប់ថ្នាក់ពិភពលោកជាដើម។ ទោះបីជាឱកាសក្លាយជាតារាតំណាងផលិតផលច្រើនដូចប៉ុន្មានឆ្នាំមុនក្តីក៏កេរ្តិ៍ឈ្មោះរបស់នាងបានហក់ឡើងទៅតាមបទចម្រៀងពេញនិយមមួយចំនួន។
បទចម្រៀងដែលកំពុងទទួលបានការពេញនិយមពីសំណាក់អ្នកស្តាប់គឺបទ «បើស្រឡាញ់ម្តេចទុកអូនចោល» «មាតាដៃមួយ រយ» និង បទ«មនុស្សអស់តម្លៃ»ជាដើម ។
ក្រៅពីបានបទចម្រៀងថ្មីៗជាច្រើនបន្តបន្ទាប់ តារាស្រីស្រគត់ស្រគុំរូបនេះក៏ទទួលបានការងារថតខ្សែភាពយន្តភាគថ្មីមួយសម្រាប់ទូរទស្សន៍ហង្សមាសផងដែរគឺរឿង «សិសិររដូវក្នុងបេះដូង» ដោយនាងនឹងត្រូវបានតំណែងជាតួឯករួមជាមួយតារាចម្រៀងសម្បូរមន្តស្នេហ៍លោកឆន សុវណ្ណរាជ។
បើតាមផលិតករម្នាក់សុំមិនបញ្ចេញឈ្មោះឲ្យភ្នាក់ងារយើងដឹងថា ភាពយន្តភាគនេះបានបញ្ចប់ការផលិតហើយកាលពីពេលថ្មីនេះ គឺនៅតែថ្ងៃចាក់បញ្ចាំងប៉ុណ្ណោះ ដែលគេរំពឹងថានឹងអាចទាក់ទាញអ្នកនិយមទស្សនាភាពយន្តភាគបានច្រើន ពិសេសគឺលើកមុខមាត់សុគន្ធ និសា។ ជារឿងមនោសញ្ចេតនាស៊ីជម្រៅនិងស្របទៅតាមបុគ្គលិកលក្ខណៈសម្តែងរបស់សុគន្ធ និសា ។
សូមជម្រាបថា ក្រៅពីលើកមុខមាត់ សុគន្ធ និសា ខ្លាំងខាងផ្នែកច្រៀងនិងសម្តែងនោះ ផលិតកម្មក៏បានផ្តល់ឱកាសឲ្យនាងក្លាយជាគណៈកម្មការក្នុងកម្មវិធីប្រឡងចម្រៀងលំដាប់ពីភពលោកមួយដែរគឺកម្មវិធីប្រឡងចម្រៀងកុមារ លំដាប់ថ្នាក់ពិភពលោក The Voice Kids Cambodiaដោយចាប់ផ្តើមទទួលពាក្យជាផ្លូវការហើយ នឹងដំណើរក្នុងពេលខាងមុខដ៏ខ្លីខាង។ គណៈកម្មការបនេះនឹងផ្តល់ការវវាយតម្លៃនិងបង្វឹកកូនក្រុម ជាមួយដៃគូប្រជែងលោកព្រាបសុវត្ថិ និងកញ្ញា ឱក សុគន្ធកញ្ញ។ ត្រង់ចំណុចនេះ ត្រូវបានគេដាក់ការសង្ស័យពីដំបូងមកម្ល៉េះថា សុគន្ធ និសា ចូល ហង្សមាសវិញ ដោយសារតែថ្នូរ នឹងកម្មវិធីលំដាប់ពិភពលោក ទើបនាងដាច់ចិត្តចោលផលិតកម្មថោន៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]