ជាការពិត រោគសញ្ញាដំណាក់កាលដំបូងមួយចំនួន ត្រូវបានមនុស្សភាគច្រើន មើលរំលង និងមិនបានយកចិត្តទុកដាក់ឡើយ។
ចង់ដឹងថា រោគសញ្ញាគ្រោះថ្នាក់អ្វីខ្លះនោះ សូមតាមដានទាំងអស់គ្នា ដូចខាងក្រោមនេះ ៖
១. ដុះសាច់បន្ថែមលើស្បែក
សាច់ដែលដុះថែមលើស្បែក អាចបណ្តាលមកពីជំងឺមហារីកស្បែក ឬមហារីកសុដន់ ដែលមានរោគសញ្ញាបន្ថែមដូចជា ៖
• មានដុំរឹង តាមសុដន់ និងនៅក្លៀក
• កន្ទួលរមាស់មិនដឹងមូលហេតុ ទាំងមិនបានទទួលទាន ឬប្រើផលិតផលខុស
• មានខ្ទុះ នៅក្នុងដុំសាច់ដែលដុះ
• ប្រជ្រុយមានភាពរីកធំ និងប្រែប្រួលទម្រង់។
២. ក្អកមិនឈប់
អាការៈក្អក រយៈពេលយូរ អាចជារោគសញ្ញាជំងឺមហារីកសួត ដែលមានរោគសញ្ញាពាក់ព័ន្ធបន្ថែមដូចជា ៖
• មិនចង់ទទួលទានអាហារ
• ស្រកទម្ងន់ខ្លាំង
• ក្រោយមក មានក្អកធ្លាក់ឈាម និងថប់ដង្ហើមញឹកញាប់។
៣. រមាស់ស្បែក
ភាគច្រើន ករណីរមាស់ មិនបណ្តាលមកពីមេរោគមហារីកទេ ប៉ុន្តែវាអាចជាជំងឺមហារីកណាមួយ ប្រសិនបើមានរោគសញ្ញាទាក់ទងដូចជា ៖
• រមាស់ប្រដាប់ភេទខ្លាំង ដែលអាចបណ្តាលមកពីជំងឺមហារីកមាត់ស្បូន
• រមាស់រន្ធច្រមុះខ្លាំង ដែលអាចបណ្តាលមកពីជំងឺមហារីកខួរក្បាល។
៤. ដំណើរការពោះវៀនមិនប្រក្រតី
ជំងឺមហារីកពោះវៀន អាចបង្កជារោគសញ្ញា ដូចខាងក្រោមនេះ ៖
• មានឈាមក្នុងលាមក
• លាមកមានពងបែក ឬខ្ទុះ
• មិនអាចគ្រប់គ្រងការបន្ទោរបង់បាន។
៥. ទឹកនោមខាប់ ឬមានសភាពអន្លាយ
វាអាចបណ្តាលមកពីជំងឺមហារីកតម្រងនោម ដែលរួមជាមួយនឹងរោគសញ្ញាដទៃទៀត ដូចជា ៖
• នោមមានឈាម
• លើសឈាម
• ឈឺចាប់ត្រង់តម្រងនោម
• គ្មានកម្លាំងកំហែងទាល់តែសោះ។
៦. ស្រកទម្ងន់ខ្លាំង
ការស្រកទម្ងន់ខ្លាំង និងលឿន គ្មានមូលហេតុ អាចបណ្តាលមកពីជំងឺមហារីកក្រពះ ដែលមានរោគសញ្ញាទាក់ទងបន្ថែមដូចជា ៖
• មានអារម្មណ៍ថា ឆ្អាបសាច់ មិនចង់ទទួលទាន
• មានអារម្មណ៍ថាឆ្អែតខ្លាំង ទោះបីបរិភោគបានតែបន្តិចក្តី
• កង្វះឈាម
• ចលនាម្ហូបអាហារក្នុងពោះវៀន មានភាពមិនប្រក្រតី។
៧. ឈឺបំពង់ក មិនបាត់
អាការៈឈឺបំពង់ក រយៈពេលយូរ អាចបណ្តាលមកពីជំងឺមហារីកបំពង់ក ដែលផ្សារភ្ជាប់ជាមួយរោគសញ្ញាបន្ថែមដូចជា ៖
• ពិបាកដកដង្ហើម និងលេបទឹកមាត់
• មានអារម្មណ៍ថាស្ទះបំពង់ក ដោយសារមានដុះដុំសាច់
• សម្លេងប្រែជាស្អក
• ក្អកមានឈាម និងមានខ្យល់ដង្ហើមអាក្រក់។
*** រោគសញ្ញាទាំងនេះ មិនអាចយកមកប្រើប្រាស់ក្នុងការវិនិច្ឆ័យជំងឺបានដោយខ្លួនអ្នកទេ ពីព្រោះវាអាចបណ្តាលមកពីជំងឺដទៃផ្សេងទៀត។ ហេតុនេះ អ្នកគួរតែទៅពិគ្រោះជាមួយគ្រូពេទ្យជំនាញបន្ថែម ដើម្បីឲ្យច្បាស់ និងទទួលបានការព្យាបាល ទាន់ពេលវេលា៕
ប្រភព៖ Bright Side
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
