រាជធានីភ្នំពេញ ៖ សេចក្តីរាយការណ៍បន្តឱ្យដឹងថា នៅមុននេះ នាព្រឹកថ្ងៃទី១៥ ឧសភា ក្រោយពីព្រះរាជអាជ្ញារងអមសាលាដំបូង លោកស៊ិន វិរៈ (ដែលកាន់សំណុំរឿងឃាតកម្ម) បានធ្វើការសាកសួរទៅលើជនសង្ស័យ (ជាកូននាយហុងដា) ពាក់ព័ន្ធករណីរឹត.កសម្លាប់ម្តាយក្រោយ ដើម្បីប្លន់គ្រឿងអលង្ការនោះ ត្រូវបានលើកពេលសិន បន្ទាប់ពីធ្វើការសាកសួរ អស់ជាច្រើនម៉ោងមក ។
ជនសង្ស័យខាងលើមានឈ្មោះអឿន សុខខេង អាយុ១៧ឆ្នាំ ។ ដោយឡែក នារីរងគ្រោះដែលស្លាប់ឈ្មោះស៊ឹម ចាន់ធី ហៅស្រីមុំ អាយុ១៧ឆ្នាំ មានកូនអាយុ៦ខែជាមួយលោកហុងដា ។
ប្រភពឱ្យដឹងទៀតថា ក្រោយលើកពេលសាកសួរ លោកចៅក្រមបានផ្ញើជនសង្ស័យរូបនេះរួមនិងស្រីស្នេហ៍ ឱ្យទៅខាងកម្លាំងកងរាជអាវុធហត្ថរាជធានីភ្នំពេញវិញសិន ដោយតម្រូវឱ្យនាំជនសង្ស័យទាំង២នាក់នេះ មកសាកសួរម្តងទៀតនៅរសៀលថ្ងៃដដែល ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
