ក្មេងប្រុស ទាំងច្រៀងពិរោះ ទាំងសង្ហា គ្រាន់តែ​ Cover បទ «កុំហាមបងមិនឱ្យស្រលាញ់» ផ្អើលពេញហ្វេសប៊ុក! (មានវីដេអូ)

ភ្នំពេញ៖ ថ្មីៗនេះ ក្មេងប្រុសម្នាក់ដែលមានឈ្មោះថា ថៃ អតិជាតិបុត្រ បានធ្វើឱ្យបណ្តាញទំនាក់ទំនងសង្គមហ្វេសប៊ុក កំពុងតែមានភាពភ្ញាក់ផ្អើលយ៉ាងខ្លាំង ដោយសារតែការច្រៀងបទចម្រៀង Cover មួយបទមានចំណងជើងថា «កុំហាមបងមិនឱ្យស្រលាញ់»។

ជាមួយនឹងទឹកដមសម្លេងយ៉ាងពិរោះរណ្តំ អមដោយការលេងហ្គីតាយ៉ាងប៉ិនប្រសប់ទៀតនោះ ការ Cover បទ «កុំហាមបងមិនឱ្យស្រលាញ់» របស់ក្មេងប្រុសរូបនេះ ក៏មានការគាំទ្រជាច្រើនពីសំណាក់អ្នកលេងបណ្តាញសង្គមហ្វេសប៊ុក ដោយក្នុងរយៈពេលខ្លីប៉ុណ្ណោះ បទចម្រៀង Cover របស់គេ គឺមានអ្នកចូលទៅទស្សនារាប់ពាន់នាក់ឯណោះ។

ជាពិសេស ពួកគេក៏បានកោតសរសើរថា ថៃ អតិជាតិបុត្រ នៅក្មេងសោះ តែមានទឹកដមសម្លេងពិរោះ គួរឱ្យចង់ស្តាប់ ហើយអ្វីដែលសំខាន់ជាងនោះគឺ គេមិនត្រឹមតែមានសម្លេងពិរោះទេ ចំណែកឯរូបសម្បត្តិវិញ ក៏ស្រស់សង្ហាគួរឱ្យស្រលាញ់ថែមទៀតផង។ 

ចុះទម្រាំតែធំពេញវ័យទៀតនោះ តើសង្ហាប៉ុណ្ណាទៅ?

បច្ចុប្បន្នក្មេងប្រុសសង្ហាម្នាក់នេះ បានក្លាយទៅជាតារាហ្វេសប៊ុកដ៏ល្បីល្បាញ និងពេញនិយមយ៉ាងខ្លាំង ដែលមានអ្នកគាំទ្រច្រើនជាង១សែននាក់ឯណោះ៕

តោះចង់ដឹងថា ថៃ អតិជាតិបុត្រ មានសម្លេងពិរោះប៉ុណ្ណា ទៅស្តាប់ទាំងអស់គ្នា៖ 

• ចម្រៀង
• យុវវ័យ
• វីដេអូ