ភ្នំពេញ៖ តារាសម្តែងរូបស្រស់កញ្ញា ញ៉ែម ស្រីពេជ្រ ចុះកុងត្រាជាមួយទូរទស្សន៍ លេខ៥រយៈពេល៣ឆ្នាំ ហើយត្រូវកំណត់ឲ្យថតបីរឿង និងមិនអាចទទួលថតរឿង សម្រាប់ទូរទស្សន៍ផ្សេងទេ។
តារាសម្តែងវ័យក្មេង យ៉ែម ស្រីពេជ្រ បានទម្លាយការពិត របស់នាងដែលថា នាងមានខ្នងធំដែលជាហេតុធ្វើឱ្យ នាងអាចក្លាយជាពិធីការិនីដែលខ្លាំង ជាងមុនមិនចេះតែថតណាផ្តេសផ្តាស់ទេ តែខ្នងធំនេះមិនមែនមានអ្នកមានអំណាច ជាបង្អែកអីទេគឺស្ថានីយទូរទស្សន៍។
ស្រីស្រស់រាងស្លីមរូបនេះបានភ្នាក់ងារយើងថា “ខ្ញុំបានកុងត្រាជាមួយទូរទស្សន៍លេខ៥រយៈពេល៣ឆ្នាំ ខណៈពេលនេះខ្ញុំធ្វើការបានមួយរយៈហើយ។ សម្រាប់មួយឆ្នាំត្រូវកំណត់ថតឱ្យបីរឿង។ ម្យ៉ាងខាងផលិតកម្មផ្សេងគាត់ទាក់ទងទៅកាន់ទូរទស្សន៍លេខ៥ ហើយបើខ្ញុំមានពេល ខ្ញុំទៅថត និងពិភាក្សាជាមួយមេបន្ទាប់ក៏Okពីខាងលើគឺខ្ញុំអាចថតបាន។ ខ្ញុំមិនអាចទទួលថតរឿងសម្រាប់ទូរទស្សន៍ផ្សេងទេ។ ខ្ញុំមិនអាចថតឱ្យទូរទស្សន៍ផ្សេងបានទេ ប៉ុន្តែប្រសិនផលិតកម្មណា បានសហការគ្នាគឺខ្ញុំអាចថតបាន ហើយទាល់តែបញ្ចាំង លើកញ្ចក់ទូរទស្សន៍លេខ៥ បានទៀតបាន”។
កញ្ញា ញ៉ែម ស្រីពេជ្រ បាននិយាយថា “ក្រៅពីផ្តល់ឱកាសខ្ញុំជាតួឯកស្រីបន្តបន្ទាប់មក ខ្ញុំក៏ទទួលបានការបណ្តុះបណ្តាលពីគ្រូបង្រៀនមកពីថៃតែម្តង ដែលសម្រាប់គាត់ទើប តែទទួលបានពានរង្វាន់តុក្កតាមាសប្រចាំឆ្នាំ ហើយមកបង្រៀនពួកខ្ញុំទាំងអស់គ្នារួមទាំងប្រាប់បន្ថែមថា ធ្វើយ៉ាងនេះយ៉ាងនោះ ឱ្យខ្ញុំរីកចម្រើន”។
ភ្លើងស្នេហ៍ភ្លើងឬស្សា ជារឿងទី១របស់នាង ប៉ុន្តែនាងមិនបានកុងត្រា ជាមួយទូរទស្សន៍លេខ៥នោះទេ។ បន្ទាប់មកក៏បន្ត រឿង “កូនក្រមុំលោកមេឃុំ” ហើយនាងបានធ្វើកុងត្រាជាមួយទូរទស្សន៍ភ្លាម និងទទួលតំណែងតួឯកស្រី ទៀតជាលើកទី៣ ក្នុងរឿង “ចម្ការម្លប់ស្នេហ៍” ដែលកំពុងថត។
សូមជម្រាបថា តារាសម្តែងស្រី ទើបនឹងរះឈ្មោះ កញ្ញា យ៉ែម ស្រីពេជ្រ បានជួបរឿង ចម្លែកជាច្រើន ខណៈប្រឡូក ក្នុងអាជីព សម្តែងជាលើកដំបូង ដែលគួរឲ្យព្រឺក្បាល ស្ទើរលស់ព្រលឹង ជាច្រើនដងក្នុងរឿងនេះ តាមអបិយ ជំនឿ គឺមានខ្មោចព្រាយបិសាច និងអ្នកថែរក្សាម្ចាស់ទឹកដី ជាអ្នកបង្កើតឲ្យមានពេល ដែលពួកគេទៅថត នៅក្នុងតំបន់ ស័ក្កិសិទ្ធិនាភូមិមួយ នៅរមណីយដ្ឋានទឹក វិលក្នុងទឹកដីខេត្តកំពត៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]